Ka Ulu Hoi 9.3

Ma ka huaka o Haleakala, he mokupuni no e pili ia e kekahi aoku. O keia mokupuni ka mokupuni o Kohemalamalama, oia hoi o Kahoolawe. O Kahoolawe ka piko o ka imi ea i keia au; a o ka piko nohoi ia o Hawaii nei no ka hookele ana. I keia manawa, aia no he papahana e hoihoi hou ai i ka mokupuni o Kahoolawe i ke kulana kupono.

I ka huakai ana i Kahoolawe, he elua hui e hele ai i ia wahi. O ka Protect Kahoolawe Ohana kekahi, oia hoi ka P.K.O., a o Kahoolawe Island Reserve Commission kekahi, oia hoi o K.I.R.C. He elua hui me ka pahuhopu hookahi, oia ka malama ana ia Kahoolawe.

O ka PKO ka hui Hawaii e malama ia Hakioawa ame kekahi mau wahi like ole. O PKO ka hui Hawaii, no ka mea, oi aku ko lakou hana Hawaii. Hahai o PKO i ka loina Hawaii no na hana like ole; ka pule ana, ka hoala ana, ame ke ao ana nohoi. Aia ko lakou kahua ma Hakioawa. Ke huakai ke kanaka me ka PKO, nui ka hana mai ka kinohi mai a hiki i ka hopena. Lawelawe a hooponopono ka poe i ka hale pili, ka ipu apo wai, na ala hele, a pela aku. I ka manawa o ka hiki ana, kokua ka poe apau no ka hoomakaukau ana i ke kahua; aole nui ka manawa e holoholo ai i ia ano huakai. Ao na kua, na alakai hoi, i na malihini e pili ana i na wahi pana ame ka moolelo o ka mokupuni.

Aia o Hakioawa ma ka huli hikina o ka mokupuni. Ma Hakioawa e noho ai ka poe PKO. I uka o Hakioawa, aia o Moaulaiki, e ku ana mawaena o ka hui PKO laua o KIRC. Ma Moaulaiki e noho ai ka pohaku noho hookele. I ka noho ana iluna o ia pohaku, ikeia na mokupuni o Lanai, Molokai, ame Maui nohoi. I kai la o Moaulaiki, aia o Kaulana, he kuono no. O ke kai holo o Kealaikahiki ame ke kahakai na wahi pana nui o Kahoolawe, no ka mea, oia na wahi e holo ai ka poe hookele no ka huakai ana i na aina e.

O ka hui KIRC ka poe e malama i kekahi apana o Kahoolawe, oia hoi o Honokanaia. Aia ko lakou kahua ma Honokanaia. Malama lakou i ka aina iuka o ke kahua, ma Moaulaiki. He mea maamau ke kanu ana i na laau like ole iuka ma Moaulaiki. I ka hele ana me ka hui KIRC, nui ka manawa e holoholo ai. Hoike ka poe KIRC i ka Sailors Cap, oia ka poka pahu i wawahi ai i ke kapu wai. Ke hele oe me ka hui PKO, aole hoikeia keia wahi, no ka mea, aia no ia ma ka aina o KIRC; a he mea like no o Kealaikahiki, he noa no ka poe KIRC wale no.

Aa au ia oukou, e ka poe wiwo ole, ka poe o Hawaii nei, e huakai i Kahoolawe. Mahope o ka hele ana i ia wahi, ike oe he hooulu no keia hana. A ina he manawa kupono kau e huakai ai i Kahoolawe, e hele no. Oi aku no ka hele ana me na hui elua, a kauleo au ia oe e hele me laua a elua. I ka huakai ana ma Kahoolawe, hiki ke ike i na mea nani o Kahoolawe ame ka ike Hawaii. I ka manawa au e hele ai i Kahoolawe, e kau koke ana no kou manao i ka huakai hou aku.