Ka Ulu Hoi 9.3

Nui ka poe e kuai i na mea ai ma ka hale kuai okanika i keia mau la, no ka mea, makemake lakou e ai iho i na mea ai palekana no ko lakou ola kino. O na mea kanu, ki-ki ia na kemika mahi, a i ole hoololiia na mea o ka gene. Eia hou, hanaiia ka pipi Amelika i ka homona hooulu ame ka pale mahune ino i mea e hooulu ai i ko lakou kino me ka wikiwiki. Hoomakau no keia oiaio ia kakou, no ka mea, e pilikia no kela mau pipi i ka mai BSE, oia hoi ka Bovine Spongiform. Oiai niele ka lehulehu no ka palekana o ka pipi, nui na manawa e hoohuna ai na hui hanai pipi i ka oiaio. No ka pipi mai na mea like ole: o ka io oe, o ka waiu oe, a o ka melatonin nohoi. Hoopilikia ka pipi Amelika i ka poe. Ina makemake kakou i ke kino ola, pono kakou e akahele i keia ino. Na kakou no kakou e hoomalu i ke ola kino.

I ka MH 1986, ike mua kekahi kauka i ka mai hou, i ka BSE, ma Pelekane. Alaila, i ka MH 1992, loaa na pipi he 37,000 paha olaila i ka BSE. O ke kumu o ka BSE ka hanaiia ana o ka pipi i ka mea ai pauka o ka hipa. I ia wa, ua hanaiia ka io hipa, ka naau hipa, ka lolo hipa, ame ka iwi hipa i mea ai no ka pipi. Oia ke kumu i loaa ai ka pipi i ka mai BSE. Ina hanaiia ka pipi i keia mea ai pauka, e hehee no paha ko lakou lolo. Ina ai ke kanaka i ka io pipi BSE, e loaa paha oia i ka mai Alzheimer. I keia manawa, nanaia na pipi apau o EU mamua o ka luku ana, i ike i ka loaa ame ka ole i ka BSE. O Iapana pu, nana pono ke aupuni i na pipi apau mamua o ka luku ana. Aka, aole pela o Amelika. He lima ikaika na hui io Amelika elike me ka hui pu, nolaila, paakiki ka hookaa ana i keia pilikia. Mai ka MH 2004, oi loa aku ka nui o na mea mai i ka Alzheimer ma Amelika mamua o na aina e ae. Ike ka poe Amelika i keia oiaio?

Ma Iapana i hookapuia'i ke kakomo ana i ka io pipi Amelika i ka MH 2003, no ka mea, ua hoikeia aku la pilikia ka pipi Amelika i ka BSE. I ka MH 2006, kakomo hou o Iapana i ka io pipi Amelika, aka, i loa no a ikeia he pipi ia i loaa paha i ka BSE, hoihoi aku la ke aupuni Kepani i ua io pipi nei, he 130 miliona paona, i Amelika. No ka mea, ua nana ole ka hui kuai io pipi Amelika i ko Iapana lula. Ae mai la ka hui o Amelika i ke kanawai o Iapana e nana pono ia ka pipi no ka BSE mamua o ka luku ana, a kapaeia ka apana ino o ka pipi. Aka, hoouna ka hui Amelika i ka apana ino o ka pipi i Iapana. A aole i nana pono ka hui i ka pipi. Kakomo hou ke aupuni o Iapana i ka io pipi Amelika i kela makahiki aku nei, aka, nui ka poe Kepani e hoole i ka ai ana i ka pipi Amelika. Elike pu me ka poe Kepani, hoole ka poe Kolea i ka ai ana i ka io pipi no Amelika mai. Paio aku ka poe Kolea i ko lakou aupuni no ke kakomo ana i ka io pipi Amelika.

Ma ka hui o McDonalds i Iapana, ua oi ka makemake o lakou e hoohana i ka io pipi Amelika mamua, oia no oe o ka hui McDonalds o Amelika. Aka, mahope o ka ike ana i ka pilikia o ka pipi Amelika, ua pau lakou i ka hookae io pipi o Amelika. Ma ia hope mai, lawelawe ole lakou i ka io pipi Amelika i ko lakou mau hale aina wikiwiki. Hoohana nae lakou i ka pipi no Aukekulelia ame Nukilani. He hui nunui o McDonalds, nolaila, hoomaopopo paha lakou i ka mea ino o ka pipi Amelika? Aole hiki ia lakou ke hooia i ke ano o ka pipi Amelika. A makau lakou i ka haalele ana o ka poe kuai. Hookapu na aupuni o Aukekulelia ame Nukilani i ka hanai ana i ka homona hooulu ame ka pale mahune ino i na pipi. A aohe loaa ka pipi i ka BSE i ko laua mau aina a hiki i keia mau la.

Aole maikai ka io pipi emi no ko ka poe ola kino, no ka mea, hoowili pinepine ia ko ka pipi apana ino, e laa nohoi ka lolo, ka naau, a pela aku. Aka, pilikia ke kanaka i ka ai ana i ka lolo, na maka, ka lolo iwi, ame ka naanaau o ka pipi. Mamuli o ka BSE, hoinoino keia mau apana o ka pipi i ke ola o ke kanaka.

O kekahi mea, hanai aku ka poe malama pipi he eono ano homona hooulu i ka lakou pipi i mea e hoonui ai i na kino pipi me ka wikiwiki. E hoino ana keia homona i ka poe. O kekahi pilikia, hoonuiia ka puuwaiu o na kaikamahine. Eia hou, ina waihoia keia homona hoonui iloko o ke kino, lilo paha ia i mai aai. I keia mau la, nui ka aina e hookapu i ka hanai homona hoonui i ka pipi, aka, nui ka hui kuai waiu o Amelika e hanai nei i ua homona hoonui i ka pipi.

Ma Hawaii nei, nui no ka pipi maemae e hanaiia ma ka mokupuni o Hawaii ma ka aina hanai pipi o Parker. He 50,000 a he 70,000 paha pipi e hanaiia malaila. A ma Oahu nei e hanai ai ka North Shore Cattle Company i na pipi maikai. Ai iho keia mau pipi i ka mauu, a hiki ia lakou ke hele elike me ko lakou makemake. Aole lakou hanaiia i ka homona hooulu ame ka pale mahune ino. Maikai loa keia mau pipi Hawaii, aka nae, kuaiia na pipi apau e na hui kuai io o Amelika ame Kanada. Aole hiki i ka poe o Hawaii ke kuai mai i keia io pipi maikai ma Hawaii, nolaila, kuai wale ia mai ka Amelika poe pipi mai, aloha no.

Ina ike ole ka poe kanaka i ke ino o keia mea ai, e nawaliwali ke kino. Hooikaika na mea ai i ko kakou kino, aka, waiho kekahi mea ai i ke ino i ko kakou kino, nolaila, e malama pono kakou i ke ola kino.