Ka Ulu Hoi 9.2

Aloha e na pua mae ole i ka lei aala o Hawaii i mahiehie ai na moku! Eia ka mahele alua no ka noeau hookele waiwai. Pehea kakou apau loa i keia manawa? He ninau nui keia. I kela mahele aku nei i weheweheia ai ke kumu maoli o ka iho ana o ka noeau hookele waiwai. O ka mea nui o ia moolelo, aole e haawi kala ana na kanaka a-ie i ka lehulehu. Ua ku no ka loaa ana o ke kala hou mai ke kuwala o na ai-e. Aole e ukuia ana na oihana mai ia mea, nolaila, aole e loaa na limahana hou i na oihana.

Ua ku ke kukulu ana i na hale oihana hou i Hawaii nei. Aole e kakooia na oihana i ke kala, nolaila, aole e hai ana na oihana i na kanaka hou. No ia mea, aole e pii ana ka helu o ka poe e hana ana i anei. Pii no ka helu hana ole i Hawaii nei mai ka 2.2 pakeneka i ka hopena o ka makahiki 2006 a i ka 5.5 pakeneka i ka hopena o ka makahiki 2008. He mea oiaio nohoi, aole e hana nei he 20,000 kanaka o Hawaii nei. O ka helu hana ole maa mau o ka poe apau o Amelika, he 5 wale no pakeneka! O ka helu hana ole i keia wa, he 7.5 pakeneka a ke pii ae la ka helu! O ka poe i ukuia aku nei he $80,000 a oi ae, ke hookuku nei lakou me na opio no ka hana e uku ai he $20,000 a emi mai. He minamina no ia.

He pilikia nunui keia no ka lehulehu, no ke kini, no ke ao holookoa no! Ke loohia nei ka noeau hookele waiwai o na lahui e ae i ia hana kolohe ma ke ao nei. Ma Kina, ua hookuuia na kanaka hana hele (oia hoi na migrant workers). Aole makemake na kanaka ai-e e haawi kala i ka lehulehu o Iapana i keia manawa a i ole nohoi e hoomau ai i ia hana ilaila. Ke paa mai la na puka o na oihana nui o ke ao mamuli o keia pilikia!

Kahaha wale keia i ka hana ana ma Kina. Manao mau no na kanaka noeau hookele waiwai e pili ana i ia aina. I ko lakou mau manao, ikaika no o Kina. A hiki iaia ke pipi i keia pilikia no ka manawa loihi, aka, he pilikia nunui a he pilikia hihia ka iho ana o ka noeau hookele waiwai nolaila, hala na manao mua o lakou. A waihoia no kakou ka huikau he nui no ia pilikia. Ua laha no ka pilikia like ma o a ma anei.

O ka mea apiki o keia pilikia, he mea maa mau ia, a hiki ke hoomauia iho. Ma ke kula nui o ka noeau hookele waiwai makou e ao mai ai i ka hana e wehe ai i keia ano pilikia. He elua no ala e hele ai. O ka mea mua, e paa ko kakou noeau hookele waiwai i mea e alo ai i ka haawi ana aku i na lahui e ae. Aka nae, he hewa loa kela ano, mamuli o ka aua. O ka mea alua e hooponopono ai, e haawiia ke kala he nui i ka lehulehu i mea e hoomaka ai i ka uku ana ame ka hai ana i na kanaka. I ko'u manao, o ka makau ke kea nui o keia, ina aohe manao ikaika o ka lehulehu i ka noeau hookele waiwai, aole hiki ke hooponoponoia.

Nolaila, ekolu manao o kou mea kakau. Akahi, ke pii nei ka helu o ka poe hana ole i keia manawa ano! Aole e hana ana ke kini, a mai piholo lakou i keia manawa no ka nele i ka hana. Alua, ke hoomau a nee nei keia pilikia i ke ao holookoa, i Kina ame Iapana, a pela wale aku. Akolu, ina o ke alakai o Amelika no ka noeau hookele waiwai, a omaimai keia aupuni, pilikia kakou i ka haawi ana aku i ke kala, aka, oia ka haina no keia ano mai. A oia ana kahi mahele e ae no keia nupepa. "He aha ka na haina!?"