Ka Ulu Hoi 9.2

I kekahi la malie i ka mahina o Ianuali, i Wailua, ma ka moku o Kauai, i kahi kokoke i ke kahua paani o Kamalani, kalaiwa aku la kekahi kanaka i ke one. I ia la, aole nui ke ao i ka lewa a malie ka moana. Makemake oia e hui pu me kona mau hoa aloha e holoholo ana i kahakai. Hele nae a ino keia la malie.

Iaia e kalaiwa malie ana i ke one, e imi ana i kahi e hooku kaa ai i ke one, kalaiwa ia kanaka iluna o kekahi wahine e hiamoe ana. Aole i loheia ke kalaka e ka wahine e hiamoe ana. Aole i ike ke kanaka i kela wahine e moe ana ma ke one. Aole i make ka wahine, aka nae, ua eha no. Ua laweia ae la ka wahine i ka haukapila o Queens. Oia ka moolelo i haiia e kahi nupepa, aka, aole pololei loa ka moolelo.

Wahi a ka nupepa Honolulu Advertiser, kalaiwa aku la ke kanaka maluna o ko ka wahine umauma, a laweia aku la oia i ka haukapila o Queens. A o kela wahine, oia ka makuahine o ko ke kalaiwa hoa aloha! O ke kalaka i kalaiwaia i ke one, he kalaka nui loa ia i hookiekieia. He lahoilo hoopaa huila nui nohoi, oleloia "he kanalima iniha ke kiekie o ka lahoilo hoopaa huila." Ahewaia e, o ke kalaka kiekie ka i pilikia ai ua wahine nei, a oleloia, aole hiki i ke kanaka e kalaiwa ana ke ike lea mamua iho o ke kalaka nui. Ina he kalaka nui, aia no he wahi ike ole ia mamua iho o ke kalaka, mamuli o kona kiekie.

Eia nae ka moolelo oiaio. O ke kalaka i kalaiwaia, aole he kanalima iniha ke kiekie o ka lahoilo hoopaa huila; he kanakolu kumamaiwa iniha ka mea pololei. I ka holo ana aku o ke kalaka kiekie i ke one, aole i kalaiwa ke kanaka i ko ka wahine umauma, aka nae, kalaiwa oia i kona ununa! E hiamoe ana ka wahine ma ka aoao o kekahi kalaka, nolaila, i ka imi ana o ke kanaka i wahi hooku kaa, aole oia i ike i ka wahine e moe ana i ke one ma kela aoao o ia kalaka. Iaia i huli ai ma kela aoao o ia kalaka, kalaiwa aku la oia maluna o ka ununa o ka wahine. He ulia kaa maoli no keia. Eia kekahi, o ka wahine i hoehaia, o ka makuahine ia o ka ke kalaiwa ipo, aole ia o ka makuahine o kona hoa aloha!

O ka ahewa ana a ka nupepa i ke kiekie o ke kalaka, he kupono ole, no ka mea, ina he kalaka haahaa ka i kalaiwaia aku iluna o ka ununa o ka wahine, oi aku kona alina. Ke loaa ka lahoilo hoopaa huila nui, hoolahaia ae la ke kaumaha i kona ununa, a, aole nui ke kaumaha i hookahi wahi o kona ununa.

No ke aha la i hoonui wale ia ai keia moolelo? Malia paha, hanaia no ka makemake o ka nupepa e heluhelu kakou i ko lakou nu hou. Aka, he pono anei ia hana? Aole paha, ea – he ola no ka poe nona keia moolelo, a he pono ka malama ana i ia ola.