Ka Ulu Hoi 9.2

Mohala i ka wai ka maka o ka pua. Auhea oukou e ka nui kanaka e kalaiwa i kela me keia la ma Honolulu nei! E maliu pono paha oukou i keia nuhou i hoopukaia i ka mahina nei mai ka Hoku Buletina mai.

Hapaiia mai la kekahi pila i aelike ia e ka Aha Kuka ma Oahu nei a oia ka pila e hookapu i ka walaau ana, ke kikokiko ana, a me ka heluhelu ana ma ke kelepona paa lima i ke kalaiwa ana, i kalaiwa pono kakou. Aia a aeia keia palapala e ka Meia Mufi Hannemann, e hoomakaia ana ua kanawai nei ma Honolulu nei. Maikai no ia ea? E kakoo kakou i ua kanawai nei!

Nui ka poe e walaau ana ma ke kelepona paa lima i ko lakou kalaiwa ana, a ooe no paha kekahi. Ina e ku ae ua kanawai nei, papaia kakou aole e hoohana i ke kelepona i ka wa e kalaiwa ana, a he hooluhi maoli no paha ia ia kakou. Aka nae, poino maoli nohoi ke kikokiko ame ka heluhelu ana i ka leka uila ma ke kelepona, ame ka walaau ana, ina hanaia i ko kakou kalaiwa ana. No ka mea, aole kakou e nana pono i ka poe e hele ma kela aoao ke alanui, aole kakou ike i na kukui alanui ame na hoailona alanui, aole kakou ike pono i na kaa e ae ma ke alanui. Oia kekahi kumu no ke kalaiwa hemahema.

Ke manao nei no paha oukou hiki ia oukou ke kalaiwa me ka pono me ka hoohana pu ana i ke kelepona paa lima. Aka, ma Kekemapa i ka makahiki 2002, hoike mai la o HCRC (Harvard Center for Risk Analysis) i kekahi noii e pili ana i na kumu o na ulia kaa i loaa mamuli o ka walaau ana ma ke kelepona. Wahi a lakou, ma Amelika la, make he 2600 kanaka, hoopoino kuoo ia he 330,000 kanaka, hoinoia he 220,000 kanaka, a hooupeia aku he 150,000 kanaka i ke kaa e ae i kela me keia makahiki. Pehea la? Nui loa na ulia kaa i loaa mamuli o ko kakou hoohana ana i ke kelepona i ko kakou kalaiwa ana!

Hoomaka e aku la ka hookapu ana ma kekahi mokuaina o Amelika e laa o Nu Ioka, Kaleponi, a pela aku. Aia nohoi he mau mokuaina e ae e hoomakaukau nei i ua kanawai nei. Ma Iapana nohoi, loaa ke kanawai like i ka makahiki 2004 mamuli o na ulia kaa i loaa. Hoomanao maoli no au nui na kanaka i ku-e i ua kanawai nei i ia manawa, a o wau kekahi, mamuli o ko makou makemake nui e walaau ma ke kelepona i ko makou kalaiwa ana. Aka nae, maopopo io no iau, i hewa ko'u kalaiwa ana i ko'u walaau ana ame ka nana ana aku i ka paku o ke kelepona. Hoemiia mai nei no ko'u nana pono ana i na kukui alanui ame na kanaka e hele wawae ana ma ke alanui. Nui nohoi na kanaka a'u i ike aku ai e kalaiwa hemahema ana me ke kelepona i ko lakou mau lima. Kaino hiki iau ke kalaiwa me ka maikai, eia ka i hewa no ko'u kalaiwa ana i ke kelepona.

Mahope o ke kau ana i ua kanawai nei i Iapana holookoa i ka makahiki 2004, wahi a ka Statistics a ka hui makai o Iapana la, ua emi nohoi ka nui o na ulia kaa he 60 pakeneka. Oia hoi, hoohewa maoli no ko makou hoohana ana i ke kelepona i ko makou kalaiwa ana!

Wahi a ka nupepa Hoku Buletina, ano ku-e ka hui makai o Honolulu i keia pila no ka mea, paakiki no ka hooko ana i ua kapu nei no ka poe apau e kalaiwa ma Honolulu nei. Na na makai e maka kilo aku i ka nui kanaka e kalaiwa a hiki ole no paha ke ko ia hana. A nui nohoi ko'u mau hoa e ku-e nei i ia pila no ko lakou makemake e hoohana i ke kelepona i ko lakou kalaiwa ana. Aka nae, pono no kakou e kalaiwa me ka pono no ka palekana o kakou apau, aole anei? E malama no kakou i ko kakou ola, a e malama kekahi i kekahi. Mohala i ka wai ka maka o ka pua. Nolaila, e kakoo kakou i ua kanawai nei.