Ka Ulu Hoi 9.1

Nui ka huikau i keia manawa e pili ana i ka Credit Crisis. Aka nae, he aha ka mea i hoomaka i keia pilikia nunui!? He aha ka kakou mau hana e hooponopono ai i kuu noeau hookele waiwai? I ka'u mau mahele e kakau ai, o ko'u kuleana ana ka hoomaopopo ana i na kanaka Hawaii ponoi i ke kumu maoli o keia wa wi loa a pela aku.

I ka hoomakamaka ana o ka makahiki elua kaukani, waiwai no ka noeau hookele waiwai, mahalo e Wiliama Clinton. Me ka nui o ke kala ilaila, hiki no i na oihana haawi kala ke haawi no ka manawa i na kanaka apau me ka nana pono ole. Wahi a kekahi kumu noeau hookele waiwai o Byron Gangnes, "Ua haawi na oihana i ka poe i ka aie i kapaia he Lier Loan." Haahaa ke kuwala ma ka maka mua, a mahope paha o ka makahiki mua, ua pii no. Alaila, aole hiki i ke kanaka ke uku i ia pa kuwala. A mamua o ka pii ana o ke kuwala, ua iho e ka waiwai o na hale i kuai hou ia. Nolaila, ina makemake na kanaka hale e kuai aku i na hale hou, aole no hiki. Pipii ka uku, a pono ole na hale.

I ola ka oihana haawi kala, kuaiia aku na aie (o ka aie no ka hale, a i ole no ke kaa, a pela wale aku) i kekahi mau oihana. I ke kuaiia ana aku o na aie, hapaia ke kuwala o na aie a kuai aku keia oihana e kakoo i kela oihana a e loaa paha ke kala hou mai ke kuwala mai. Ina kuaiia aku na aie i kekahi oihana mahope o kela, hiki ke hoomau i keia hana a pau ke kuwala. Ma ka hopena o kela hana, maheleia ka aie i na kanaka he nui o ke ao.

I kekahi mau manawa, aole hiki i kekahi mau kanaka ke uku pono i na manawa kupono. Pii na kuwala ina hoopanee lakou i ka uku. Mamuli o ka uku ole ana i kekahi mau aie, aole ukuia kekahi mau oihana i kuai mai i na pauku aie. Aohe kala o kela mau oihana, aohe kala e uku ai i ka poe hana. Mamuli o kela, aole hiki i ka oihana ke hoohana i kona mau poe hana apau, a pono lakou e hookuu i kekahi. A ua mau ua hana nei a keia la.

O ka poe e hana ole, aole hiki ia lakou ke uku i ko lakou mau aie. Nui no na aie o keia lahui. A nui no na aie pono ole! Me ke kokua ole, ua kipakuia ia poe mai na hale apau mai o lakou. A mamuli o na hemahema o na kanaka aie, ame na kanaka aloha ole i kokua ole aku, aohe o lakou hale, aohe o lakou hana. Mamuli o na aie pono ole i haawiia, aole makemake na kanaka i haawi aku e haawi hou.

Aohe hilinai o na kini. Aohe makemake o na kanaka e uku mau no ka mea, ua manao kakou, "He aha ka'u hana ina hookuuia au? Pono au e kuai mai i keia mea? Pono au e uku ole?" Aka, oia ka mea e pono ai ka noeau hookele waiwai. Ina kuai mai oe i kekahi mea, ukuia ka oihana i hana i ia mea. Lawa ke kala o ia oihana no ka loaa ana o kekahi kanaka e hana ilaila. Liilii ka uku o ia kanaka hookahi, aka, nui na mea ana e hana ai. Mau no na hana no ka oihana, a hiki i ka oihana ke hai hou i na kanaka e ae. Ina aole makemake na kanaka e kuai mai i kekahi mea no ka makau, a aole makemake ka oihana e hai i kanaka, kupalaka no ka noeau hookele waiwai.

O keia ke kumu i kapaia'i keia wa he Credit Crisis.

I keia mahina ae: "Pehea i keia manawa?"