ka ulu hoi
manoa . kona . o'ahu-a-lua
Puke 8 . Helu 9 . 11 Kekemapa 2008
 
 

Malia paha he iki unu, paa ka pohaku nui, aole e kaa
na Kamuela Kaapana

I ka Mei nei, ua hoiliiliia na iliili he nui hewahewa e elua kanaka, e Michael laua o Sylvia Kop. He hale kuai ko laua, oia hoi, o Hula Supply Center ka inoa o ia hale. Holo moku laua a pae i ka lae kahakai o Waiehu i Maui. Ohiia mai la na iliili e noho ana ilaila a kauia ua mau iliili nei i ka moku o ka hui o Young Brothers a hoi mai i Oahu. Mamua o ka pae ana o ka moku i Oahu, ua nana pono kekahi limahana o ia hui i na mea a Kop ma i kau ai maluna o ka moku. I kona nana ana i na pakeke umikumamaono, kahaha mai la ka naau i ka nui launa ole o keia mau pohaku nei. He elima kalani na pakeke pakahi a ua piha kela me keia i ka iliili o Waiehu. I ka moku i pae ai i Oahu, ua noi ua kanaka nei ia Kop ma e ike i ka palapala ae no ka lawe ana i ia poe iliili. Mamuli o ka loaa ole ana o ka palapala ia laua, ua hoopaiia laua e uku he ekolu kaukani elima haneli kala no ka lawe ana mai i na iliili i hiki ke kuaiia no iwakalua kaukani kala.

i heluheluia ka moolelo >>

NO KANAKA

Pau Ole ka Epa ia Hawaii
na Kalei Kawaa

He aha ia mea he Hawaii, he kanaka Maoli, he Oiwi? Aole paha i like ka manao o ia mau huaolelo no kela me keia kanaka. No ke kanaka o ka aina e, ua pili paha ka manao i na kanaka e noho ana ma ka mokuaina o Hawaii. Ua like no a like ke kapa ana i na kanaka e noho ana ma Hawaii he Hawaii me ke kapa ana i na kanaka e noho ana ma California he Californian. Aohe mea e okoa ai. >>

Owai la ke Kapaia he Kanaka Hawaii?
na Kehaulani Wong

I ka hiki honua ana o na kupa o ka aina e, oia ke kumu no ka lukuia ana o na kupa Hawaii. Ua lawe mai ka poe haole i na mai e i na kapa kai o Hawaii. Ua lawe mai hoi lakou i ka manao e. Mamuli o ka hoohuli manao haole, hoololiia na mea Hawaii, na ike Hawaii, na manao Hawaii, a oia hoi ka ike e hoomaopopo ai i ia mea he kanaka Hawaii. >>

E Malama i ke Kanaka
na Kauanuialeimaka Tagupa

Ma ka La Hoomaikai, ua hele aku la na kanaka hale ole i ka hale aina o Hard Rock no ka ai ana. Hanai manawalea aku o Hard Rock i keia mau kanaka hale ole i kela me keia makahiki. >>


NO KA LEALEA

Oahu, ka Onohi o ke Kai

Hui! e ka puni olelo noeau, eia mai no na haina e paniia ai ka paani imi olelo noeau i hoomakaia i Kepakemapa. Ua hakuia a lawa ka olelo, ua kaapuniia a puni na one o Kakuhihewa. >>

  

NO KA OLELO KANAKA

E Ke Kikoola...
na Iokepa Gomes

Auhea oukou e na haumana palaualelo ma na papa olelo Hawaii? O oukou na mea e hoopuka wale i ka olelo namunamu e pili ana i na haawina ame ke ano o ke ao ana. Lohe wau i na ninau puwaawaa ma ka papa i hoopukaia e keia ano haumana. He oiaio no keia mau ninau a'u e hoike aku ai i ka moolelo nei. E lakou nei e na mea uhiuhi, eia kekahi mau pane i na olelo ano ole a oukou e mokimoki ai. >>

E Lei Kau, e Lei Hooilo
na Kauahaao

I ka la 6 o Kepakemapa nei i hui ai na haumana a me na kumu olelo Hawaii malalo o ka malu o ka Ua Tuahine ame ka Halau o Haumea no ka nanea pu ana i ka moolelo, ka hanakeaka, ame ke mele o ka Hawaii. Kapaia keia hanana o "Ka Ui o Manoa" no ka nani o ka olelo kanaka i hoikeia i ia po. >>

E Ola ka Olelo Makuahine: Mahele 3 & 4
na Kehaulani Wong

E ka mea heluhelu, eia iho la na mahele elua i koe no ka hana keaka olelo Hawaii. Ua pai e ia na mahele mua elua i ke kau kula nei; hiki ke apoia ma ka punaewele ma kauluhoi.org. E mahalo aku kakou i ka noeau o na kupuna e welo mau nei ma o na opio. >>

 
ka ulu hoi

Iokepa Gomes
Kamuela Kaapana
Kalei Kawaa
Kauanuialeimaka Tagupa
Kehaulani Wong

Kahikina de Silva,
luna alakai

Keoni Chang-Purdy,
kokua

Waihona manao

I loaa makou nei


Waihona nupepa
(html & pdf)