Ka Ulu Hoi 8.9

Ma ka La Hoomaikai, ua hele aku la na kanaka hale ole i ka hale aina o Hard Rock no ka ai ana. Hanai manawalea aku o Hard Rock i keia mau kanaka hale ole i kela me keia makahiki. Ua hele aku la elua haneli a oi mau kanaka malaila no ka ai ana. Hamama aku la ka puka o Hard Rock ma ka hola eiwa o ke kakahiaka, a komo mai la na kanaka iloko o ka hale. Pau keia hanana ma ka hola umikumamalua. Kokua mai no iwakalua kanaka i ka hanai ana aku i na kanaka hale ole. Ua hoomakaukau ke kuke i ka mea hoopihapiha moa, ke kai penu, na mea ulu, ame ka uala kahiki. A no ka mea ono ua haawi aku i ka pai. A ua inu iho la na kanaka hale ole i ka wai. He hanana maikai no keia no ke kaiaulu. Mahalo nui na kanaka hale ole i keia hana. Ike makaia ka hauoli ame ke aloha ma ko lakou mau maka.

I ia la, pili mai la na limahana me he hui maoli la, ma ke ano he kime, aka aole penei. O kela ka manawa mua a lakou i hana pu ai. Wahi a kekahi lima hana o Hard Rock, "Akahi no au a hana ma keia ano hanana. Hana no au ma Hard Rock, aka nae, ma keia ano hana, okoa ka naau. Oi aku ka hauoli, ke aloha, ame ka lealea. A malia na kanaka a aole lakou huhu. Nolaila, maalahi ka hana ma keia hanana." Aole wale no i hana ko Oahu malaila. Hele mai la kekahi makua wahine me kana mau keiki mai ka mokupuni o Molokai. A na na keiki i hana like kekahi. Wahi a keia makua wahine, "He mea pono no keia nou. Hoopomaikai ke akua iau ame kuu ohana i na la apau. A he kuleana ia no'u e kaana ai i ka pomaikai. No ka mea, ina malama aku au i kekahi malihini, e hoopomaikai hou ke akua iau. A oia ke ano o ka poe Hawaii. Aloha aku a malama aku, aloha mai a malama mai. Makemake au e hoike aku i ka'u mau keiki i ke ano o ko laua poe kupuna, oia ka mea nui."

Pehea keia mau poe hale ole. He mau kanaka no lakou. Like lakou me kakou: ai mai i na mea ai, pumehana i ke aloha, he Hawaii no lakou. Nolaila, ina e holo wale ana oe ma ke alanui a ike aku oe i kekahi kanaka e noi mai ana i ke kala a i ole ka mea ai, e haawi aku i kekahi kala a i ole e kuai mai i kekahi mea ai liiilii nona. O ka malama aku ka mea nui – oia ke ano o ka poe Hawaii. Malama aku i ka ohana ame na malihini. Ma ka wa kahiko, ina hele mai kekahi malihini i kou wahi a noi mai i wai, pono no oe e haawi aku i ka wai i keia kanaka: nou ia kuleana. A ma kou manawa e noi aku ai i kokua, e kokuaia no no ka mea maikai kou ano. A ina ike aku kekahi kanaka ia oe e hana ana penei, e noonoo iho ana oia e hana like. A e hoomauia keia malama ana aku.

Nolaila, ina he hana hoihoi no keia, a makemake oe e kokua i kekahi malihini a i ole kekahi ohana ilihune, e laulima pu no. Aia kekahi hale noho no keia mau kanaka ma Kakaako, a imi mau ia ke kokua ilaila. Ae aku o Goodwill ame ka Salvation Army i na lole like ole, na pono hale, a me na mea paani no ka hoolako ana me ka ohana ilihune. Ke ae mai nei nohoi ka Lokahi Tree ame Toys for Tots i na mea paani no na keiki o Hawaii. E malama aku kakou a e hooikaika i ka pilina mawaena o kakou apau.