Ka Ulu Hoi 8.8

O ke Kipuka Leo nohoi ka papahana a'u i koho ai no ka hooikaika ana i ka'u olelo Hawaii ana. Ua hoolaunaia wau i ia mea he hoolele leo e ka'u kumu oia hoi o Kahikina de Silva. Ua ike wau he papa keia pili i na manao mele, na manao manaleo ame na manao o ia mea he kaona. He ala kupono keia e laha ai ka olelo Hawaii mai o a o o nei home aloha o kakou.

O ka mea nui o ke Kipuka Leo, ka hele ana i ke keena hoolele leo o KTUH mai ka hola ekolu a hiki i ka hola eono o ka auinala. Oia ka hola e hooleleia'i ke Kipuka Leo. Ma Kipuka Leo, hookaniia na mele Hawaii e hookani ole ia e na wilipa o na kanela e ae. O ka pahu hopu nui o ke Kipuka Leo ka hoolele ana i ka ike e pili ana i na mele, na haku mele, ame na puukani Hawaii i mea e hoonaauaoia'i ka lehulehu hoolohe. O ka mea nani o ka hana ana, malamaia nei polokalamu lekio ma ka olelo Hawaii wale no. I keia wa, o keia kanela hookahi ke hoolele leo ma ka olelo Hawaii wale no ma Oahu nei.

Ua ike no au, nui na mea a'u e olelo ai ma ka lekio a na kakou nohoi e malama i keia manawa kupono no ka mea like loa keia me na nupepa olelo Hawaii kahiko a ko kakou mau kupuna. He manawa nohoi ia e hoolohe mai ai ka poe malihini i ka olelo Hawaii. No kakou keia kuleana e hooikaika ai i ka olelo Hawaii. Aole lawa keia papahana lekio hookahi aka he hoomaka no ia. I keia mua iho, lana kuu manao e loaa ana ka hoolele leo ma ka Hawaii i ka po me ke ao i na la apau e like me na hoolele leo e ae.