Ka Ulu Hoi 8.7

E na makamaka olelo Hawaii, e maliu mai oukou.

I kela pukana aku nei o Ka Ulu Hoi, ua hoomakaia he moolelo no ka kakou olelo hiwahiwa. Haiia ua moolelo nei ma ke ano he hanakeaka i hoouluia ma o ka heluhelu ana i na nupepa olelo Hawaii kahiko. Ua hoomauia no ka hanakeaka malalo nei, a e mau ana no ka puka ana mai apau i ka haiia ma Kekemapa.

Mahele II:
[Ua wahine o Keala. Ua piha iaia na MH he umikumahiku. I kona la o ka mohalapua, hele aku la o Keala i ke kula Pelekane o Makinale (McKinley). He Hawaii oia ame kona mau hoa, aka ua olelo Pelekane wale aku no lakou. Hiki ia lakou ke olelo Hawaii, aka he mea uncool keia olelo, nolaila ua namu haole lakou. Aka nae, makemake o Keala e walaau Hawaii, no ka mea, ua olelo hoohiki oia i kona kupunawahine i kona wa liilii e hapai i ia olelo. Aka, ke olelo Hawaii o Keala i kona mau hoa, ua hooheneheneia oia.]

Keala: E lakou nei, e paani kakou i ke kimo ma o.

Hoa 1: E Keala, why you speak Hawaiian for? Talk English.

Hoa 2: Yeah Keala das not cool. Mai namu Hawaii, e olelo Pelekane.
[Akaaka na hoa.]

Keala: No ke aha? O ka kakou olelo ponoi ka olelo Hawaii.

Hoa 1: Nah. Dat was before, our makuas time. Dis is now, we no speak li dem.

Hoa 2: Yeah. So if you like hang wid us, no namu Hawaii. K? Besides, you might get us in to pilikia.

[Aole hiki i na haumana ke olelo Hawaii ma ke kula. Pau na haumana i ka olelo Pelekane. Ua lahaole ka olelo Hawaii i ia wa. A, ina ua olelo Hawaii ka haumana, ua kakau aku oia elima haneli laina ma ka papa eleele mahope o ke kula. Ua kakauia, "I will not speak Hawaiian." O kona hoopai keia mea. Aka, ua maa o Keala i ka olelo Hawaii, a olelo pahee nohoi. Nolaila, i kekahi la ma ke kula, ua pahee aku kana pane i ke kumu ma ka olelo Hawaii.]

Ke kumu: Keala, do you know who is the Vice President of the United States?

Keala: Aole au ike… um… I don't know.

Ke kumu: What did you say? You will be punished for speaking Hawaiian. See me after class.

Keala: But Kumu, I mean Miss, it just slipped.

Ke kumu: See me after class! And be ready to write, because you will fill this blackboard with 500 lines of "I will not speak Hawaiian."

Keala: Yes, Miss.

[Huikau o Keala, no ka mea, makemake oia e malama i ke kauoha a kona kupunawahine, a aole oia makemake e hoomehameha i kana olelo ponoi. Aka, i ka manawa hookahi, makemake oia i ka mea i aponoia e kona mau hoa, a aole oia makemake e hoopai houia. Nolaila, ua koho oia e haalele i kana olelo makuahine. Kaumaha kona naau i keia pilikia.]

Aole i pau.