ka ulu hoi
manoa . kona . o'ahu-a-lua
| Puke 8 . Helu 4 . 22 Apelila 2008
|
||||||||
Aole o go! he Hawaii. Aohe o lakou Aloha. |
||||||||
|
||||||||
Ano ai ke aloha e ka poe oiwi mai ka a enaena o Kilauea a i ke kai nalunalu o Lehua. Ku kakou i ka wa popilikia i lilo ai na paoihana Hawaii i na paoihana e. Pii ae la ke kala e uku ai no ka noho ana i Hawaii nei a akole mai la ka hapanui o na paoihana ma anei. Hoehaia ia mau paoihana ke uluahewa na paoihana mai ka aina e me he laau hihi la. I kuhaluka na paoihana e, aohe wahi no ia mau mea i kamaaina ia kakou, a o ke kipuka iho la no ia. Oiai ke holomua nei na hui i kukuluia ma ke kahua nui o ke kala, piholo na hui i kukuluia ma o na pilina o na kupa o ka aina. Pela i pilikia ai ka paoihana mokulele o Aloha. i heluheluia ka moolelo >> |
||||||||
NO KA AINA Ka Haina: E Malama i ka Aina Malama i ka aina! Malama i ka aina! Malama mai la ka aina ia kakou! E na pua a Papa ame Wakea, e malama i ka aina! I ka helu elua o Ka Ulu Hoi, weheweheia aku la na pilikia o ka nui opala ma ka mokupuni o Oahu. Aia ka pono o ka hoopoaiapuni ana a kakou i kela me keia la. >> NO KA LOINA HAWAII Ka Loina Kakau o ka Hawaii: Pono ka Welina? "E ia nei e ku'u auwai, e ho mai ka wai i na kama kane a Wakea, na kaikamahine a Papa, na pua a Haloa ame na mamo a na akua i keia aina nei. Aloha oe e Ka Wai Ola, ka mea e hanaiia ai ko Hawaii i ka nu oli ame ka nu pilikia i pili no me na mea Hawaii apau mai ka la hiki a ka la kau a mai ka mahina hiki a ka mahina kau." Pau na haumana Ulu Ka Hoi i ka haku i welina i kahi nupepa i kohoia, a o ka'u welina keia. O ka haawina keia e heluheluia ai na welina like ole i loko o na nupepa Hawaii. O ka ninau i ninauia mai i ka papa: Pono ka welina? Pau ka pane ia makou i ka aelikeia, pono paha. >> Ka Halealii Aloha pumehana kakou e na kupa o ke aupuni moi o Hawaii. Ua kipa anei oukou i ka hale o nei aupuni, i ka hale alii hookahi ma Amelika, ka hale o ko kakou mau alii ponoi, oia no ka hale alii o Iolani? >>
|
NO KANAKA Na Kanaka Hale ole ma Hawaii Nei Mai ka wa o Wakea laua o Hoohokukalani ame Haloanakalaukapalili, he pilina kupaianaha keia ma waena o na kanaka Hawaii ame ka aina ame na akua. I keia mau la, lehulehu na kanaka ma Hawaii nei i kapaia he mau kanaka "hale ole." Ke noho nei no keia mau kanaka ma na paka, ma kahakai, ma lalo o na alaloa, ma hope o na hale kuai, a pela wale aku. He ano hale keia, aka he hale kaupoku ole; aohe o lakou hale maamau. >> Mai Haalele i kou One Hanau Auhea oukou e na oiwi o Hawaii. I ka hapa nui o ka manawa, oi aku ka pipii o na mea like ole ma Hawaii ma mua o na wahi e ae, ea? He pilikia nui keia, no ka mea, haalele na kamaaina he nui ia Hawaii no ka aina e. Ua haalele ka hapa nui o ia poe ma muli o ka pipii o na mea like ole ma Hawaii ame ka pipii o na hale ma anei. >> Ka Inikua Olakino Hele aku kakou apau i ke kauka, ea, no ka mea na lakou e hoola i ko kakou mau kino. Maikai no na kauka, aka nae, o ka mea e pilikia ai ka Hawaii, oia ka ole o ka inikua olakino. I keia mau la, loaa ole ka inikua olakino i na kanaka maoli he nui. No laila nui ke kala e uku ai i ko lakou kipa ana aku i ke kauka. A mau no ko lakou mai. >> Ai a Maona, Inu a Kena
Mai Puni i ka Laau Ona Poaka Eo e na liko o Hawaii, na liko e ulu ae nei, e ulu ae nei me na pua onaona o ka honua. Eo! He lono nui loa keia a he mea keia a kakou e hoopau ai. Oia hoi ka puni laau ona poaka. He mea poino keia a he mea keia e kaapuni nei a puni o Hawaii. Nui na kanaka i puni i keia laau a ina aole e hoopauia, e puni ana na kanaka hou ae he nui wale. >> |
|||||||
I ka wa kahiko, ina ike ke kamaaina i ka malihini e huakai hele ana, he mea maamau ke kono ana o ke kamaaina i ua malihini la e komo i ka hale a e ai ai. He hana pi ke kono ole ana i ka malihini e komo i ka hale e ai ai. Aole paha i like loa ka wa kahiko me keia au e holo nei aka, ma kekahi ano, no kakou na Hawaii, mau no keia ano hana. ka ulu hoi
Iokepa Gomes Kahikina de Silva, Keoni Chang-Purdy, |
Waihona manao I loaa makou nei |
|