Aloha pumehana kakou e na kupa o ke aupuni moi o Hawaii. Ua kipa anei oukou i ka hale o nei aupuni, i ka hale alii hookahi ma Amelika, ka hale o ko kakou mau alii ponoi, oia no ka hale alii o Iolani?
He mea kiai no au no ia hale. Ke au kaawale, hele no i laila e kokua ma ke kiai ana i ka hale alii. I ka hapanui o ka manawa, palula wale ma loko, noho malie a hei mai i na mea e kaapuni ana ma ke ano he lauhala e hookelekele ana i ka wai. He kaakaa wale no ka'u i na malihini i mea e hoomalu ai i ka hale alii ame na mea o loko. Aka nae, ua okoa loa kekahi pule no ka mea ua paniia ka hale alii no ka wa hoomaha ma muli o ke pai wikio ana i ke kii onioni hou o Princess Kaiulani.
Ia lakou e pai wikio ana, ua pono ia makou, i na mea kiai ke noho i loko o ka hale alii i mea e hakilo ai ia lakou ame ko lakou hana. O keia na mea a'u i ike ai. Malia paha aia kekahi mau mea e hoihoi ai oukou.
I ko'u lohe ana e pili ana i ka wahine hana keaka no Kaiulani, ua huikau keia. Aole oia he Hawaii. Lawa kupono na wahine hana keaka Hawaii e imi ana i ko lakou wa e puka mua ai i ke ao, i ko lakou alahele e lilo ai i hoku o nei aina. A ina aohe wahine hana keaka Hawaii kupono no keia mahele, hiki ke haawiia keia hamee i kekahi wahine hana keaka Polenekia. Aka nae, ua haawiia keia mahele ia Qorianka Kilcher. Wahi a ka lohe, he Ilikini oia. Oluolu oia ke nana aku a maikai kona hana keaka ana aka nui na wahine Polenekia i hiki ke hana keaka. Ma nei kula no, aia he halau hana keaka nona na wahine hana keaka Hawaii he nui. Nui na kumu e imi a loaa ai he wahine no ia hamee ma Hawaii ame Hawaiinuiakea no hoi. A aole nui na mahele hana keaka o Hollywood no na wahine Hawaii e hana keaka ai no laila no ke aha lakou e haawi aku nei i keia mahele Hawaii i kekahi wahine e?
Eia nae, nui ka poe kamaaina i kaakaahiki i ka hana ma muli o nei kii onioni. No na limahana wale no, he mau kamaaina ka hapanui o na kanaka. Maikai keia no ka mea ina hoololiia na kanaka o keia aina pono kekahi mea e kokua mai i ia poe.
O ka hapanui o na kanaka e hana ana no ia kii onioni, aole lakou i hoomaopopo i ka hana a makou kiai ame ka pono e kiaiia i loko o ka hale alii. Me he la, aohe o lakou mahalo i ia hale a i na mea i hoikeia i loko o laila. I ko lakou manao, he kahiko a he hooia wale no ia no ke kii onioni. I ka po hope loa o ke pai wikio, ua hai olelo ke kane hana keaka no Kalakaua e pili ana i ka hale alii ame na kuleana a kakou apau. He mea nani lua ole ka hoopau ana i ia hana. He mea hoomanao no ia no makou apau, aole wale no keia hale he kahua hana keaka. O keia no ka hale a ko kakou mau alii, kahi o ka moi wahine o Liliuokalani i kue ai i ke aupuni o Amelika, a he wahi laa no ke kipa ana mai o ka haahaa. O ka hale alii keia o kakou, ka hale alii o Iolani.
© 2008 . Kaikaina Kekua
