Welina mai nei e na hoa heluhelu o Ka Ulu Hoi. Wahi a Kainoa Leahey, "E kamailio kakou no na paani hauki." Ike kakou i kekahi haumana kula kiekie. Makemake paha lakou e holomua pono ma hope o ka puka ana mai ke kula kiekie aku, a e komo lakou i ke kula nui. Ma ke kula kaiapuni o Anuenue, aia he mau haumana ma laila e paani ana i ka po peku, a paipaiia lakou e komo i ke kula nui ma ke ano he haumana ame he alapa.
Nui na haumana Hawaii ma ke kula kaiapuni o Anuenue ma Palolo. Hele mai ia mau haumana mai na aina like ole mai, e laa o Nanakuli, Waipahu, Kalihi, Waianae, ame Wahiawa. Ke komo na haumana mua loa i ke kula kaiapuni o Anuenue he hana kula wale no ka
lakou, aohe paani kula kiekie. Ina makemake na haumana o Anuenue e paani i kekahi hui hauki o ke kula kiekie, e paani lakou no Roosevelt. Aka, nui na hui hauki i hookumuia no ia mau haumana. I keia mau la, loaa na ano paani like ole, e laa ka po hinai, ka po peku, ka hoewaa, ame ka heihei wawae. No laila, hiki ia lakou ke lilo i alapa haaheo no ko lakou kula ponoi. He lealea hoi kau! Paani na alapa o Anuenue i ka hui hikina o ka Oahu Interscholastic Association, oia hoi ka OIA.
Ma mua o ke komo ana o keia mau haumana i ka hui po peku, he mau kaha haahaa wale no ka lakou. Aia ko lakou paani po peku ana a loaa ka GPA 2.0 ia lakou, me ka loaa ole hoi o ke kaha F. No laila, hoopaa haawina lakou i loaa ai na kaha maikai, a i hiki ia lakou ke paani po peku. Ma muli o ka lakou paani ana i na hui hauki i ke kula kiekie, makemake kekahi mau haumana e komo i ke kula nui e paani i kekahi hui paani o nei nei. A, ma muli o ka hana nui a lakou i mea e lawa ai ke kiekie o ke kaha, ua hele a makaukau no ka hana kula o ke kula nui. O Na Koa po peku o Anuenue, he mau alapa noeau no. Makemake keia mau haumana e komo i ke kula nui e paani i ka po peku.
Mea mai o Makaio Liua, "Wahi a ka'u kai hana ino, E loaa ana na kaha maikai loa ia oe. Ina aole, e hele ole oe i ke kula nui e paani i ka po peku i laila." Ike o Kapononui Takamiya e paakiki ana ka paani po peku i ke kula nui no ka mea he pokole oia no kona oihana po peku he kupahu (offensive line) ahe mahikua (linebacker). Aka, ua loaa na kaha maikai loa ia ia. E komo paha oia i kekahi mau kula nui. No laila, oiai lakou e paani ana i ka po peku kula kiekie, loaa na kaha maikai e komo ai i ke kula nui. E ole ko lakou iini e paani po peku, i loaa ai no ia ano kaha e haaheo ai. Maikai na mea paani o ke kula kaiapuni o Anuenue. E hoolauna ana Na Koa o Anuenue i na kula kiekie e ae. E uhola lakou i ko lakou mau eheu olelo Hawaii. A wahi a Jim Leahey, "Malama ke-kahi iiiii ke-kahi.
© 2008 . Dean Nikaido
