Aloha e na mamo a Liloa, na pua o ka honua, na oiwi o Hawaii!!! Aloha mai kakou!!!
Ina aohe mea a oukou e hana ai i na la 15 a me 16 o Malaki, e hele mai i ke kahakai o Waikiki ma ke one kea o Queens Beach no ka hoikeia ana aku o kahi mea hoihoi no, oia hoi na wikio a na haumana olelo Hawaii i hana ai. Hoomaka keia hanana i ka hola elima a hoomaka na wikio i ka hola ehiku.
Na kekahi o na papa olelo Hawaii i hana i wikio no ka lakou papa. O ka papa olelo Hawaii eha ole elua keia a o Ron Kekeha Solis ke kumu. Ua hana lakou i na wikio liilii a e hoikeia aku ana mahope o ke mele ana mai o na hui mele Hawaii, a mamua hoi o kekahi kiionioni e ae. Nui na ano like ole o na kumuhana a he mau kumuhana hoihoi. Pili no i ka Superferry, na kiai ola i Hawaii nei, ka nui opala i keia aina nei, ame na kanaka ilihune e noho ma kahakai.
He haumana au no kela papa a ua hana no au i kekahi wikio. Pili ka'u wikio i na mea poino i kahakai o Wawamalu, oia hoi o Sandys. He kiai ola au ma ia kahakai a i keia wikio, makemake au e wehewehe i na mea e pili ana i ia kahakai. He mea nui keia no ka mea nui na kuamoo i haki malaila a nui na mea poino kekahi. He kahakai kaulana o Wawamalu a nui na malihini e kipa aku, a laila e aho e wehewehe aku.
Nui na mea e pono ai ka hoopau ana i keia kiionioni. O na mea pono no ka hana ana, oia hoi ka mikini hoopaa wikio, ka ipu leo, ka ipu leo boom, na hana keaka, a pela aku. A no keia mau mea he pipii no, a laila e aho e malamaia. O ka hana keaka ana, he hana nui loa. I kekahi manawa, makemake na kanaka o waho o ka hana keaka e komo i ke kiionioni. Aue no hoi! Makemake wale no lakou e hana kolohe a hele a huhu ke kanaka hoopaa wikio. Mawaho o kela, aia na kani like ole i hiki ke loheia: o ka makani oe, o ke kani oe o ke kaa, o ke poi o ka nalu oe, o na kanaka e ae oe, a pela aku. Tsa!
Aka nae o ka mea nui loa o ka hana kiionioni, oia hoi ka hooponopono ana i ka wikio ma ka lolo uila. He keu a ka paakiki no ka mea, nui na mea liilii e hana ai no ka hoomakaukau ana i ke kiionioni. Oia hoi ka hookomo ana i na kani i hohoi ai ka wikio, a i ole ka hoonohonoho ana i na mahele no ka holo pono, a pela aku.
No na kanaka olelo Hawaii, maikai loa keia mau kiionioni no ka mea he mea keia e hoike ai i na hana a na kanaka maoli o Hawaii nei. No na malihini, he mea nui keia hanana no ka mea hiki ia lakou ke ike a maopopo ka hana a ka poe Hawaii. E aho kakou e hele i keia hanana, e na haumana o ka olelo, a hiki ia oukou ke ike i ka hana a kou mau hoa Hawaii. He mea lealea keia mau la kiionioni a he kupono ke kakoo ana i na haumana i hana i keia mau kiionioni. Ma ke kahakai nani o Queen's Beach keia hanana a he kahakai nani no ia. E loaa ana na hale aina liilii, nolaila hiki ia oukou ke kuai mai i mea ai a noho i ke one a nana aku i ke kii onioni. E lawe mai i na keiki, na kupuna ame na mea apau e hoihoi i ka olelo Hawaii.
E ola mau ka olelo Hawaii!
© 2008 . Koa Merino
