Ka Ulu Hoi 8.1

ka ulu hoi
manoa . kona . o'ahu-a-lua

Puke 8 . Helu 1 . 6 Pepeluali 2008
		No ka Haaheo na Kalei Kawaa
		E o mai e na hoa mai ka piina a ka la i Haehae a i ka mole olu o Lehua. Owai kai nana i na Koa popeku e paani ana ma ka Sugar Bowl ma ka la mua o nei makahiki? Na na poe apau paha o ka pae aina o Hawaii, ea? Ua alu like kakou apau i ka paipai ana i ke kime o Hawaii i ia la. Aole o kana mai ko kakou haaheo. He wa keia e haaheo ai ka Hawaii. Aole no ka popeku wale no. Eia ae o Makalii e kau wale ana iluna, kau pu me ka hoolaha ana i ka wa o ka Makahiki! Ua hala na mahina a Ku, a na Lono keia wa. He wa e hookuku ai na alapa e hoike i ko lakou makaukau, ikaika, akamai a pela wale aku ma na paani o ko kakou poe kupuna. i heluheluia ka moolelo >>

	NO KA AINA E Malama i ko Kakou Kuaana na Nohea Kumalae Wahi a kupuna: He alii ka aina; he kauwa ke kanaka. O ka manao o keia olelo noeau, he mea waiwai loa ka aina, no ka mea, aia ke ola ana o kakou a malamaia ka aina. Na ka aina e hanai i na kanaka ame na holoholona like ole. Aohe ai a kanaka ina ua pau ka pono o ka aina. Ina aohe o kakou aina aole hiki ia kakou ke ola. >> Hana Io ka Haole! na Kehaulani Wong Nani maoli no ka aina o Hawaii, na pohaku ewalu e kaapuniia e na kapakai hiwahiwa ame ke kai uli akea o ka Pakipika e hookaawale ia kakou me ka aina haole. I keia au nae e emi ai na kapa kai, a kukuluia na hale nui ma ko kakou kahakai. E kue mau no kakou i ka nohona o keia poe waiwai hoowahawaha e kuai mai i ka aina he nui ma ko kakou one hanau! >> Ke Loli nei ka Aina o Hawaii na Leesa Gushiken Lua ole o Hawaii nei i na kahakai one kea nani, na kuahiwi kilakila, na awawa uluwehi a i ole ka napoo ana o ka la e pa ai ka naau? Ke ike aku nei au ia Hawaii nei i keia la, a he wahi okoa loa oia. Ua loli loa o Hawaii nei ma kekahi wa pokole wale no. >> Makee i ka Aina Aloha na Kalauihilani Robins Auhea oukou e na hoa hookoa. Mai ka mokupuni o Hawaii kuauli a hiki i Niihau o ke one pupu o Kahelelani, ke aloha no kakou apau. E hahai kakou i na hana ame na ike a na kupuna i aloha nui ia a e hooku i ka nome ana i ko kakou aina aloha. >> NO KE KULANUI NEI No ka Hooku Kaa ma Manoa Nei na Sanoi Peahu E ka maka heluhelu, ua hoomaopopo oe i kekahi la au i hele ai i ke kula a loaa ole kahi e ku ai kou kaa, nolaila, ua hoi oe i kou hale? Ua uku oe i na kenikeni au i hoahu ai no ka hooku ana i ke kaa? Owai ke hoomaka i ka la me ka hoka mamuli o ka hooku kaa ana? >> Ka Haa o ke Kime Popeku o ke Kulanui o Hawaii na Kekuhaupio Kalilimoku I ka Hui Kinipopo Peku Aupuni (NFL) a i ole i ka Hui Kinipopo Peku Kulanui (CFL) o Amelika ame ke ao nei, aohe hookahi kime kinipopo peku e lilo i moho no na lahui Polonekia apau. Nolaila, ua lilo o Hawaii i hui no na lahui Polonekia e ae a me ia hana, ua hapaiia ko lakou moomeheu i Hawaii, na moomeheu hoi o na Hamoa ame na Tonga. >>		NO KANAKA He Kepani Oluolu na Koa Merino Akahi no a lohe aku ka pepeiao i ka lono no kekahi kane Kepani ame kona hoolimalima ana i kona mau hale nani i Kahala, a ulu ka hoi e pili ana i kana lokomaikai. He mea hoihoi keia no na kanaka Hawaii. I ka la iwakalua kumalua o Malaki i ka makahiki elua kaukani me ehiku, ua hanaia he mea kupaianaha. >> Ka Nohona Hou i ka MH 2008 na Kamuela Kaapana Aloha mai e na pua o ka pae aina o Hawaii a Hauoli Makahiki Hou! I ka wa hoomaha nei, ua hoonua kakou, inu nui kakou, a hoonanea kakou, nolaila, pehea mai nei kou kino i keia manawa? Ua nui anei kou opu? Pehea kou manao no ka pono o ke ola kino o kakou? He maikai kela, aole anei? E hoomaka kakou i ka hooikaika kino ana, ka ai pono ana, ame ke ola hou ana. >> No ka Hana a Undercover Palala: Ka Hoola Kino na Iokepa "Undercover Palala" Gomes Pehea oukou e ka poe o ka pae aina o Hawaii, maikai anei ke ola kino? Oia paha, ea? Ke ola nei no! Paakiki nae ke ola ana i keia mau la. Mamuli o ka nui ana mai o ke kala e uku ai no ka hale, ka wai, ka mea ai, ke kaa, ke kula, ame na mea e ae, aole i lawa ke kala no ka uku ana i ke kauka ame ka inikua. >> NO KA OLELO KANAKA Pono ka Okina me ke Kahako? na Uilani Urabe E kuu makamaka heluhelu i ka olelo Hawaii, ke kamaaina o ke kaila kakau o ke au kahiko, anoai kakou. Maa anei na maka i ka heluhelu ana i na moolelo me ka ole o ka okina ame ke kahako? >> Auhea na Kumu? na Puaala Hiura Aloha mai e na pulapula o ke kulanui nei i Manoa. E o mai e na oiwi Hawaii mai ia aina hanau! E lana no ka hiamoe a e wehe i kou mau pepeiao. Eia nohoi kakou ke ku nei no ka hoola hou ana i ka kakou olelo makuahine, oia hoi ka olelo Hawaii. He mea pono na kanaka e ao mai. Auhea oukou e na kumu olelo Hawaii? >> NO KA LOINA HAWAII Ka Hanai Keiki na Leo Kekahuna-Hoaeae Mai ka wa kahiko a hiki i keia mau la, he mea makamae a aloha nuiia ka hanai ana i na keiki a ka poe Hawaii ma Hawaii nei. Oia ke kuuna nui i hoohanaia aku a hoomauia aku iloko o na ohana he nui ma Hawaii nei. >>

ka ulu hoi

Iokepa Gomes
Leesa Gushiken
Puaala Hiura
Kamuela Kaapana
Kekuhaupio Kalilimoku
Kalei Kawaa
Leo Kekahuna-Hoaeae
Kaikaina Kekua
Nohea Kumalae
Ikaika Lum
Koa Merino
Dean Nikaido
Sanoi Peahu
Kalauihilani Robins
Kauanuialeimaka Tagupa
Uilani Urabe
Kehaulani Wong

Kahikina de Silva,
luna alakai

Keoni Chang-Purdy,
lima kokua

Waihona manao

I loaa makou nei

Waihona nupepa
(html & pdf)