Mai ka wa kahiko a hiki i keia mau la, he mea makamae a aloha nui ia ka hanai ana i na keiki a ka poe Hawaii ma Hawaii nei. Oia ke kuuna nui i hoohanaia aku a hoomauia aku iloko o na ohana he nui ma Hawaii nei. He keiki hanai nohoi wau na ko ko'u luaui makuahine kaikaina, nolaila, maopopo nohoi iau ke ano o ka naau ke maopopo ole na mea i hanaia ai a me na kumu a kekahi kanaka e haawi aku ai i kana keiki. Iloko o ko'u ohana, ua hoohanaia aku a ua hoomauia aku ke kuuna o ka hanai ana aku i kela ame keia hanauna, mai ko ko'u kupunahine kuakahi a hiki i ko'u hanauna. I ka manao o ka poe Haole, he mea luhi loa ka hanai ana aku o kekahi keiki i kekahi malihini. E ulu ae ke keiki me ka hoomaopopo ole ana i kona mau luaui makua ame kona ohana, a lilo ia i mea hooluhi iaia.
Mamua, o ka hiapo ka mea i hanai mau ia aku e kona mau kupuna no ka mea oia ke keiki e ao mai i na mea nui e pili ana i ka ohana a e hoomau aku nohoi i keia mau mea nui a e hoonaauao i na hanauna hou. I ka olelo ana aku o na luaui makua, "nau ke keiki kukae a naau," e haawi aku ana laua i na mea apau i pili i ke keiki i na makua hanai, na laua e malama. I ka nohona Hawaii, he olelo paa ia mawaena o na luaui makua me na makua hanai. Me keia olelo paa, hoomaopopoia mai, ina kupu mai he paapaa e pili ana i ke keiki, hoopopilikia loa ia aku ke keiki. Aole keia he mea e hookaawale ai i ke keiki ame kona mau luaui makua, aka, maopopo na makua i ke keiki a mapopo kona mau hoa hanau, kona mau kaikaina, ame kona mau kaikuaana.
Ulu ae ke keiki i kekahi ohana me ke aloha he nui ame ka pili aloha i kona ohana. I kona wa kamalii, ao mai ke keiki i ka mea nui, o ke aloha ana aku ame ke kokua ana aku ame ka mahalo ana aku kekahi i kekahi. Ao mai oia i ka mea nui o ka hana maikai a imi aku oia i na mea like ole apau o ke ola. Nolaila, i ka manao o ka poe Hawaii, aole he mea luhi ka hanai ana aku, aka, he mea nui e hikii aku i na hanauna he nui o kela ohana.
Mamua, ua huikau loa au, no ka mea aole maopopo iau na pilikia o ko'u mau luaui makua a ua manao mai wau ua mahui ole ia ko'u hanauia ana a aole laua i makemake iho iau. Aole wau i ike aku i ka laua kumu i makemake ole ai iau. O ko'u makua kane, he keiki hanai nohoi oia, ka mea i olelo mai iau i ke kumu a ko'u mau luaui makua i haawi aku ai iau. I kona manao, aole wau he mea makemake ole ia, a ina aole makemake ko'u mau luaui makua iau, aole pilikia, no ka mea, o ko'u mau makua hanai na mea i aloha iho iau. I na manawa apau, ua makemake laua i kekahi kaikamahine mamuli o ko laua hanau ana aku i kekahi keiki kane, nolaila, i ko laua ike maka, he makana nui wau mai Ke Akua mai. I ka olelo ana mai o ko'u makua kane hanai i keia moolelo, ua manao mai wau oi aku ke aloha nuiia o kekahi ohana mamua o ka waiwai hooilina.
© 2008 . Leo Kekahuna-Hoaeae
