Welina mai e ka poe puni mele o Hawaii nei. Ua pii ka hoihoi i loko ou no na mea himeni mai na makahiki i hala aku? Ua hoalaia anei na pepeiao? Ua hoalaia no ko'u i na leo nahenahe i loheia i kela poaono aku nei. I ia po ua hookani pila na mea hookani he nui ma ke kula nui o Hawaii ma Manoa. Oiai aneane pau ke kula, o keia ka aha mele hope loa no keia kau, kai kapaia o Hookani Manoa. Ina ua hele oukou i keia hanana maikai loa, a ua lealea no, aoia! O ka hookani hope loa ma Manoa ka'u hookani punahele e hele aku ai. He hanana ia no na kumu, no na haumana, no na hoa, a no ka ohana kekahi. No'u iho, he mea ia no ka hoona ana i ka loohia i kau iho la iluna o kakou mamuli o ke kula.

i heluheluia ka moolelo >>

E ahaia ana keia puuhonua?

Anoai ke aloha e na makamaka o keia wahi nupepa, mai ka la hiki i Haehae a i ka welona a ka la i Lehua. Anoai hoi i ko Kualoa, aina wehiwehi i ka poli Koolau o Oahu a Lua. Mai ka nuu kiekie o Kanehoalani a i ka huehuelo o Mokolii. Mai ka hono o Pohukaina a i ka loko i'a o Molii. Kahi o Haumea i noho ai. Kahi o ka pahu o Kapahuula i hunaia ai. Kahi o ka punawai kapu o Kaahuulapunawai. Kahi o ka palaoa i pae ai. Kahi o Laamaikahiki i hoomaka ai i mookuauhau alii hou. Kahi o ke ao ana i na keiki alii o ka wa kahiko. Kahi a Kahekili i makemake ai. Kahi o Kahahana i noho alii ai. Oia no o Kualoa, ka puuhonua lua ole, he lei niho palaoa kau i ka umauma o ke Akua ame na alii.

i heluheluia ka moolelo >>

He Moku Lawe Ohua

Aloha mai e kuu mau hoa heluhelu o ka Nupepa Ka Ulu Hoi. No oukou, ka lehulehu, keia wahi olelo. Ua pa no ka leo heahea, he noi wale e puka mai lalo mai o ke ao umamalu, e hoomehana kino ma kahi o na kukuna noonoo. I ku ka makemake e hele mai, hele no me ka maloeloe.

Elike me na alahele o mua ona, nui ka hoopaapaa a puni ka H4, oia hoi ka Superferry o Hawaii. Eia ka, aole nae ia ala hele he alahele maamau, elike me na alanui makawalu o Honolulu. O ka Superferry, he moku nunui, he kaulua ke ano, e lawe ana i na kanaka ame ko lakou mau kaa, mai kahi mokupuni i kahi mokupuni maloko mai o na moku nui o Hawaii.

i heluheluia ka moolelo >>

Huli Kua Ia

I kekahi la, e hele wawae ana au i kahakai ma Makaha. Iau i nana ai iuka, ikeia kekahi hale pea poloke e ku kapakahi ana i na kumu laau. Nana aku la au i ka ohana i hea aku i kela hale pea kahiko, oia ko lakou home. Oia ka manawa o'u i makemake ai e haku i keia moolelo. E kakau ana au e pili ana i keia ohana Hawaii i huli kua ai kakou.

i heluheluia ka moolelo >>

Hui... pehea mai nei oukou e na pulapula a Haloa? Onipaa ka huli i ka lepo i ole e hemo ai ka opae? A oia... aole oe hopohopo, hoomau oe i ka hana kupono aloha me ka malie. O ka mea nui hoi, "Mai kapae ke ao o na kupuna, he ola no malaila." Ne no kahea a oe e hana i kekahi hana Hawaii e na kupuna aole oe huli a hele i kahi e, e hana oe i kela mea. O kela paha kau mea ponoi e hana ai a aole paha maopopo ia oe ka manawa e hoikeia ai na hoailona. Makaala i na hoailona e oili mamua ou na lakou no, na kela poe hoailona e hoike aku ia oe i ke alahele e hahai ai. Minamina mai nei kuu naau i ka ike ole ana i kela ano hoailona i oili ae la i mua o'u, nui na hoailona i lewalewa ae nei mamua o'u i na manawa apau. Ia Anakala Eddie Kaanana e ola ai aole no i maopopo iau oia no o kuu hoailona, ka mea e ao mai ai au i ka olelo kanaka, ame ka mea i oili mai ke haiki ka manawa e hana ai i kahi mea. Ne no poina na hana a ko kakou kupuna ia kakou aohe ana o ka Hawaii. Pio wale ana no ke ahi, koe wale ana no ka nanahu. He ahi no ko Anakala Eddie Kaanana a ua kaana like mai la oia i kona ike me ka lehulehu.

i heluheluia ka moolelo >>

Ku Holo Mau 4

E ka luna hooponopono o ka nupepa Ka Ulu Hoi, aloha oe. Mahalo no ka hookaawale mau ana i kahi koa no ka hoopuka ana aku nei i ka moolelo holomoana nei me ka oluolu wale hoi o ka naau. Nau no e hooulu i ka “lahui olelo” (Wong, Laiana, 2006) o kakou.

E hoomau kakou i ka moolelo. Oiai ka waa e hoomau ana i ka holo hema, noke na miliona hoku i ka holo ana i ka akau. A ike ka hookele i ka pae kupono o na hoku i ka lewa, a me ka haiki o ke koa mawaena o Hokupaa me ka ili o ke kai, ua maopopo ia, ua hoea iho ka waa ma ka latitu like o ua moku o Kalama la.

i heluheluia ka moolelo >>

He Koho no na Kau a Kau

Auhea oukou e na pulapula o ke au nei, e maliu mai,

Aole no i pau. He olelo ia i piha loa i ke kaona no kakou apau. O keia paha ka haawina e nana pono ai i keia mau la. Ua hala e o Kekuaokalani a hala pu kahi mau kanaka kakoo mahope ona i ke kaua ku-e hope loa ma Kuamoo, Hawaii. Mao ka lanakila a na kanaka i kakoo i ka ai noa, ua pau iho la ka ai kapu. Aole i hooko pono ia ke kauoha a Kamehameha I ia Liholiho aka nae, ua pau ka hale o ia wa i ke kukuluia me ka ole o ka pouhana i makemake mua ia. E ka mea heluhelu, e hoolohe pono mai, mai ae i ka lilo ana o kou iini me ka ole o ka hoao i ka holomua maikai me kau. Ua hoao no o Kekuaokalani ma e hooko i ko lakou pono ame na mea a lakou i hahai ai aka, aole nae i pa mai ka makani a kauia lakou i ke ala kupono.

i heluheluia ka moolelo >>

He Hawaii, He Akamai No

Aloha mai e ka poe keu a ka naauao. Eo mai e ka poe olali i ka hana ana me ka lima, ame ka poe maalea o ka noonoo. Ina o oe kekahi o keia ano kanaka, hohonu maoli no kou ike. Nolaila, maopopo ia oe pehea e hili ai i lei palapalai, i lei la-i paha? Heaha ia mea he ohe kapala? Hiki ia oe ke hume i kou malo ponoi a kakua paha i pa-u hula? Ina aole maopopo ia oe, he mau mea hoihoi keia i pili i ka Hawaii. Nui ka poe kamaaina ole i keia ano hana noeau. I ka wa kahiko, ua nui loa ka huli ana o ka lima ilalo no ka pono o ke ola. I keia la, ua emi iho neia ano ike o ka hapanui o kanaka, aka nae, e ola mau no na hana noeau i ka poe hula.

i heluheluia ka moolelo >>

E Huakai Kakou!

Ua hiki koke ka hopena o keia kau kula. E aha ana oukou i ke kau wela? E hana ana paha, e mau ana ke kula, a i ole e huakai ana kekahi o oukou? E huakai ana kekahi o ko'u mau hoa aloha. Hele ana kekahi i Palani. Hele ana kekahi i Ikalia, a hele ana kekahi hou aku i Tahiti. Laki no lakou i ka lakou huakai ana i keia mau aina kaulana. Aka, no ka hapanui o kakou, e noho ana kakou i Hawaii nei no ke kau wela. Ina pela, mai hopohopo i kou huakai ole ana i kahi mamao loa, he nui na ano a kakou e koho ai no ka huakai ana ma Hawaii nei! Eia kekahi mau laana no oukou e manao ai.

i heluheluia ka moolelo >>

Luuluu i ka Ua Nui

Aloha e na hoa makamaka o Ka Ulu Hoi. O keia ka'u atikala hope loa no Ka Ulu Hoi, mahalo no ko oukou heluhelu ana. Makemake wau e hoike ia oukou i kekahi mea kaumaha i mea e wehe ai i ko oukou mau maka. Eia la.

i heluheluia ka moolelo >>

He Kaua Malu

Auhea oukou e na makamaka o ka aina, na makamaka heluhelu hoi o Ka Ulu Hoi. Mamua o ka hoomaka ana o nei moolelo, aole i kana mai ka hoomaikai ame ka mahalo hoi o ka meakakau ia kakou no ka hoea ana i ka nuu, ka wekiu o neia mauna launa ole o ke kiekie, oia no ka hopena o keia makahiki kula. He huakai loihi no ia, eia nae o ke kahua ma mua, mahope ke kukulu, a eia ae paha ka hoea ana a kakou i ka manawa kupono e lawe i ua ike a naauao hoi mawaho o ke kula.

i heluheluia ka moolelo >>

He Mea Ai Ono Loa

Ano ai ke aloha e na makamaka heluhelu o keia nupepa nei. Eia kekahi okuhi a me kekahi wikio iki a'u i hana ai. Ua kuke au i kekahi mea ai a'u e aloha nui ai. Oia no, o ka nulu ikalia me ka moa, ka akaakai pilau, a me ka akaakai poepoe. Ua kohoia keia mea ai no ka mea, aloha nui au i ka mea ai ikalia, a ua hanaiia au i keia ano mea ai, oia ke ano mea ai punahele a kuu mama.

i heluheluia ka okuhi >>

Pulelo Haaheo ke Ahi o Kamaile!

Makemake makou, na limahana o Ka Ulu Hoi, e hoolaha a hoomaikai aku i na haumana olelo Hawaii e puka ana i keia kau nei. Hulo! Hulo!

i heluheluia >>

Waihona manao

• hoike mai
• i ike aku

I loaa makou nei

• moolelo@kauluhoi.org
• luna@kauluhoi.org

Waihona nupepa
(html & pdf)

• Puke 5 - 2006
• Puke 6 - 2006
• Puke 7 - 2007