I ka la 17 o Nowemapa i malama ia ai ka la kiionioni no na haumana o Manoa nei. Eia na manao o kekahi poe e noho ana i ke anaina. - LH

Ma ka la umikumahiku o keia malama, ua hele aku au i ka lumi 101 ma Kuykendall no kekahi la o na kiionioni like ole. Ua lealea loa o ia! Poina ka inoa o ke kiionioni iau, aka, ua hoomakeaka loa a ua maikai loa ke kiionioni! O ia ka moolelo o na opio a me ka paina nui ma kekahi kahakai ma ka po. He kane nohea loa a he wahine nani loa ko laila, aka, he mau pilikia ko lakou no ka mea ua manao ke kane ua pili kolohe ka wahine ana i aloha ai i kekahi kane okoa. Aka, o kona hoa hanau kela kane! Ma kela paina, i ka wahine e imi aku ana i kana kane, ua kamailio ke kane me kekahi wahine i huhu loa i kana kane. Ua paakiki loa o ia. Ua makemake nui au i kela kiionioni no ka mea ua manao au i keia mau la. Aole maopopo loa iau ka mea no keia mau la, aka, e pau no hoi keia mau pilikia.

[O Hookipa ka inoa o ua kiionioni la. – LH]
-na Leo Kekahuna-Hoaeae

Ua hoike ia aku ke kiionioni i kapa ia o Hookipa. Akaaka no ia kiionioni, ua lealea hoi ke nana aku. Hoohalahala iki nae wau i ia kii onioni. Hookahi mea, e oi aku no ka akaaka a me ka maikai ina i hookino ia ka hamee mahu e kekahi mahu maoli. Maikai no hoi kela kane i hookino i ka hamee mahu, aole nae o ia i hoike i ke ano mahu me ka pololei LOA! Aka nae hoi, makemake a mahalo pu wau i ka lakou puhi pakalolo ole ana. Mahalo ka wahine i hoole i kela kane i hoao e lawe mai i ka pakalolo me ia i kona komo ana i ke kalaka. Ua maikai no ia kiionioni, hoike ia aku ka nohona Hawaii me ka pololei a me ka pono!

-na Haalilio Williams-Solomon

Ma ka Poalima, ua hele ka papa a pau i Kuykendall e nana i na kiionioni, aka nae ua hoohana ia ka olelo Hawaii e na kanaka i ke kiionioni. Ua hele wawae makou i loko o ka lumi ma waena o kekahi kiionioni. Aole maopopo ke kiionioni iau, aka ua akaaka wau ma kekahi mau apana. O Pulp Fiction ke kiionioni elua i ike ia e makou. Ua hoomakeaka ke kiionioni no ka mea e olelo Hawaii ana o Samuel L. Jackson. Awiwi ka olelo Hawaii, no laila aole i maopopo lea iau, aka makemake nae au ia ia. O ke kiionioni nona ka manao hohonu ke kiionioni e pili ana i ka ma'i AIDS. Ua kaumaha au i ka moolelo e pili ana i ka makua kane i make. Ua haawi o ia i ka AIDS i kana wahine, aka nae aohe AIDS o na keiki liilii, a ke ola ala kana wahine i keia mau la.

     -na Donovan Gaboya

© 2006 . Kekahuna-Hoeaeae, Williams-Solomon, Gaboya