Ma ka la iwakalua o Okakopa, ua hele maua o Donovan i Hookani Manoa ma Manoa Gardens. Ma ia po, ua hookani o Ledward Kaapana i ke kika a ua himeni o ia. Ua hookani o ia i na mele Hawaii. Makemake au e hoolohe i ia ano mele no ka mea, halia aloha wau i kuu wa kamalii a i ka'u hula ana. Aka nae, aole au kamaaina i na mele a pau. Pela io no, ua makemake nui au i ia po a ua lealea loa ia.

Aole maua i hele i Hookani Manoa ma mua a ua puiwa wau i na kanaka he nui, ka heluna o ka mea ai manuahi, a me ka heluna o na makana i laila. Hu ka manawalea! Ua ike au i ka'u mau kumu a me ko'u mau hoa aloha mai ke kula kiekie a me ke kula nui. A ua ike no hoi maua ia Leo, Creson, a me Kuulani mai ka papa olelo Hawaii.
Ua hoihoi no ka lohe ana i na kanaka a pau e olelo Hawaii ana a ua maopopo ka hapa nui o ka olelo ana iau! Ua haaheo au i ko'u hiki ke olelo a hoomaopopo i ka olelo Hawaii. Ua hoomaopopo au, o keia na kanaka e hoomau nei i ka olelo Hawaii a makemake no hoi au e hoomau i ka olelo Hawaii. Ua kipaipai keia hana iau e ao mai, hoomaa, a olelo i ka olelo Hawaii i kela me keia la.

Manao au, he hana maikai keia no ka mea, he manawa maikai ia e hoakoakoa ai i na kanaka o ke kaiaulu o ka poe Hawaii a e ku haaheo i ko kakou mau loina. He manawa keia e hui pu ai kakou a e hoonanea, e kamailio, a e kau i ko kakou mau mea okoa ma ka aoao. Manao no hoi au, he manawa keia e ao ai mai na kupuna a me na kumu ma waho o ka lumi papa. E hele ana wau i Hookani Manoa i keia mahina ae no laila, hiki iau ke hoomaa i kou olelo ana i ka olelo Hawaii a hiki iau ke hui i na kumu, na kupuna, a me na kanaka e ae mai ke kaiaulu o ka poe Hawaii.

© 2006 . Naleikuupuamaeole Siu