Akahi no au a hula no ka manawa mua i keia kau ma ka papa mele 312 a Vicky Holt-Takamine. I komo aku nei au no ka loaa ana o ka ike o na kupuna, aia no ka moolelo o na kupuna i loko o ka hula laua o ke mele. Maopopo i na haumana ma ka hoomaka ana o ke kau, o ka hoikeike ko makou hoike hope loa no ua papa nei a he lehulehu ana no makou. Ua komo mai ka makau i loko o'u, aka ua nele au i ka moolelo Hawaii ole no laila ua huli ke alo i ka paia.

Ua hoomaamaa makou he ekolu mau hula, o ia hoi o "Aia i Molokai Kuu Iwa," "Kawika," a me "Kalakaua He Inoa." O ia mau mele na mele a makou e hula ai no ka hoikeike ma ka hopena o ke kau. Ma Orvis makou i hula ai ma ka po 29 ma ka mahina o Nowemapa ka la ma hope o ka La Kuokoa. Oiai makou e hoomakaukau ana, pii aela ka haalulu aka, ia makou no a hume ka malo, kuu i ka makau!  Ia makou e hula ana, ua ku ka haaheo i ka hoike ana i ka lehulehu i ka moolelo o na kupuna a me ka hoohanohano ana ia Kalakaua.

I ka hula ana o na kane i ke mele o "Aia i Molokai Kuu Iwa," pii aela ka hauoli o na wahine me he mea la, ike lakou ia NSYNC! Kaino e haalulu au, eia ka pii ae ka haaheo. Olioli wale no ia hoikeike a aole o kana mai ka hauoli i loko o'u, ua hai ia ka moolelo a ua mahalo no kuu mau makua i ka makou hula. Paipai aku au ia oukou e komo i loko i ua papa nei. Nui ka lealea o ka hula ana a me ka olelo aku olelo mai me na hoa papa. Ao mai no hoi o Anake Vicky i na mea waiwai mai ka wa kahiko a keia au. E mai, hele mai e komo i loko o ka papa nei a waiho ka hilahila i ka hale. A hai ia ka moolelo o na kupuna.

© 2006 . Keoni Chang-Purdy