Ua hele aku au i ka Fea Awa ma Manoa i ka la ehiku o Okakopa, makahiki 2006. Ua malama ia mai ka Fea e ka Awa Development Council ma ke Kulanui o Hawaii. Ua hoomaka ia i ka hola ewalu o ke kakahiaka a pau i ka hola elima, aka noho akula au a hiki i ka hapalua hola ewalu o ia po! O ke kumu o ko'u noho loihi ana, o ia hoi ka'u kui ana i ke kalo me ko'u mau hoaaloha. Hauoli maila wau i ke kui ana, a he makepono ko'u noho ana a po ke ao. He la wela no ia!

Aia na hale pea he nui ma ia Fea. Hoihoi na hale pea. E hoolako ana na hale pea i na ano awa like ole. He awa ko ka Fea no Tonga, no Piki, a me Hawaii kekahi. Inu ihola au i na ano awa ono like ole. Loaa no hoi he mau hale pea e kuai ana i na mea noeau. E kuai aku ana o Kaloman i na palule. Ua kapala ia ke kii o ke kalo ma ke alo o ka palule-ti. Makemake au i hookahi palule-ti, aka aole au i lawe aku i ke kala. Aia no hoi he mau hale pea e kuai mea ai. Aka, aole au i kuai i ka mea ai no ka mea, maona ka opu i ka pai ai.

Noho loihi akula au ma ka hale pea me ko'u mau hoa o Daniel laua o Kealoha. Kapa ia ka laua oihana o Poifection. E kuai ana lakou i ke kalo paa. A e kui ana kekahi mau hoa kipa o ka fea i ke kalo paa. Hoolako maila laua i na papa kui ai a me na pohaku kui ai no ke kui ana. Aole au i kuai mai i ke kalo paa, aka kokua akula au i ke kui ana. Lawe maila laua i ka ulu kekahi. Aole au i kui i ka ulu ma mua. Ono ka pai ai ulu.

Nahenahe ka himeni ana i ia la. Hookani maila o Da Girlas, a me Ernie Cruz, a me Kupaaina a me Wairea. Aole au i lohe ia Wairea ma mua. Maikai loa lakou. Oluolu ke ano o ka fea i na mele maikai. No laila, aole au i nana i ka wela. Lealea ka fea. A minamina ka liilii o ka poe i laila. Aka ua lealea au i laila, a e hele au i ka fea i keia makahiki ae.

© 2006 . Maile Neff