Na Moelepo Hehena o Manoa
na Iwalani Inouye
Aloha pumehana e na haumana mai ka Hale o Kamakakuokalani a hiki loa aku i ke kula kaha kii hale. I keia mau pule hope loa o ke kula e hele ana oukou a lolo? E pahu ana ko oukou mau lolo i na haawina he nui a na kumu e haawi mai ana i keia mau la? A poipu oukou i na pepa nui loa a oukou e kakau ai? Mai hopohopo, aole oukou wale no i laila. Aia na haumana he nui loa e imi ana i ka malie. A oiai i ikaika no ka loohia ana o ka lolo, hanu malie lakou i ole e hele a hehena. Aka, ano paakiki ka hehena ole ana no ka mea aole hiki i ka lolo ke hoomaha. E lauwili ana ka manao i loko o ke poo i kela me keia po. O ka makemake o ua wahi lolo nei, o ia no ka hoi ana i ka hiamoe.
Aka nae ma muli o ka nele ana i ka hiamoe ole, hele na kino hakahaka i na wahi like ole ma keia kahua o Manoa. O ia paha ke kumu e ike ia ai ka moelepo e hele mau ai a kui ia ke poo i ke kumu laau oiai kakou e holo aku ai i ka papa. Aole maopopo ia lakou ko lakou hana no laila mau no ka hele pupuahulu me he moa poo ole la. Ua pio ka mea o loko.
I keia mau pule, aole o ia mau moelepo wale no kai ike ia. Lohe ia na manu e he nui e himeni i na wahi malu. Wahi a ka lohe, o lakou na manu o ke kula nui. Ikuwa no ka leo. Aole oluolu ua leo nei. Me he kikikou ana la, hoopuka keia mau manu i ke mele nani ole. I ka manawa i lohe ia, pee na haumana i na hale no ka mea like no ia kikikou ana me ke kolopa ana o ke keiki. Ke kolopa nei paha na manu no ka lumai ia ana o lakou e na haawina. A eha no na pepeiao i ka leo ino.
Hookuike ia no hoi ua mau haumana lolo i ko lakou nele ana i ka lauoho ole. Wahi a kekahi hoa, ike ia maila kekahi haumana hehena e naii ana i kona lauoho a e ai ana. Ano makau ke hoa aka nae no kekahi manawa nana akula o ia i ia haumana e. O ko ia ala makaau maila no ia i ia hoa a o ke ku no ia na maka i ke kino ola. Hele no a makau ia hoa a haalele akula me ka wikiwiki. O ko ia haumana e alualu maila no ia. Mai ia manawa mai, i kona manawa e ike ai i ia mau kanaka hehena, hele o ia i kekahi ala e ae. Hai ia mai na moolelo he nui e pili ana i keia mau haumana e naii ana i ka lauoho. He mea oiaio paha keia.
A o ka hana hope o keia mau haumana lapu, o ia hoi ka nou ana i na pono kula. Weliweli keia hana no ka mea nou ia ka penikala, ka peni, ka popo pepa, ka puke a pela aku i ke ala. I ka manawa a kakou e hele ai i ke ala hele, ike maka ia keia ino. Kui ikaika ia ka haumana akamai e ka puke ike kino. O kona hina ihola no ia i ke kimeki. Me he mea paani po alo la i hoeha ia, lawe ia aku o ia i ka hale mai. Aloha ino.
E ka mea heluhelu ike kaua, ano e keia nuhou aka nae o keia wale no ka olelo aoao. O keia no ka manawa a na haumana hehena e huai i ko lakou ino i luna o na haumana e ae. Ma mua o ko lakou lolo ana, like no lakou me na haumana mau. Aka nae, i ka manawa e ku ai ke pai, pau koke ka pono o ia lolo. Ahuliu ka lolo a pio. I ia manawa, hakahaka ke kino a lilo ka haumana ola i moelepo hehena. O ia mau moelepo ka mea a kakou e akahele ai. Hiki ia lakou ke hana ino ia kakou. Aole hiki ke wanana ia ko lakou hana hehena no laila e akahele. E malama i ko oukou lolo. Hiamoe no paha no ka manawa kupono i ole e lilo i moelepo pupule a hu ka hilahila.
© 2006 . Iwalani Inouye
|
