O keia ka moolelo hope loa no na hana hoopihoihoi o Ola na Iwi. I ka pukana elua o Ka Ulu Hoi, ua wehewehe au e pili ana i ka polokalamu o Ola na Iwi. Ua hoike au i ko'u manao no ka mana o Ola na Iwi. Ina hoihoi oukou i ka huakai o Ola na Iwi, a laila, paipai au i i ko oukou hele ana i i keia makahiki ae. Hoomaka o Ola na Iwi i ke kauwela, a noho ia ka lumi papa no hookahi pule, a laila, umi la o ka lealea.

Ka Noho ana ma Puna a me na La Hope Loa o Ola Na Iwi

E noho ana au ma ka'u pakaukau, a ua hoomanao aela au i na mea hoopihoihoi ma Puna. Ua hoi makou i kekahi aoao o ka mokupuni i kahi hope loa a makou i kipa ai. Ua hoea makou ma kekahi kula kaiapuni. Ano like ke kula me ke kulanakauhale liilii. Ua hui makou i na haumana mai ke kula a hookamaaina maila makou kekahi i kekahi.  Kukulu ia akula ke kula ma luna o ke kulanakauhale lawaia kahiko. Ua hoolako ka poe o ia kulanakauhale i ka i'a no ke ahupuaa holookoa. Ma hope o ke ao ana e pili ana i keia wahi pana, ua hookahua makou ma ka halau. I loa no a malu makou i ke kaupoku o ka halau, hakaka akula makou i na manakuke a me na makika. Aole makou i lanakila, Aue!!

No laila, ua hele au i ka imi loa ana i ka aina. Aka he pilikia ko laila. Imi aela au a imi au aka aole loaa iau na kuaua. Aole maikai. Ua kaumaha ihola ka naau a manao no au, eia hou ka pilikia like. Aka, i lawa no a kupu mai ia manao e ua hoi akula au i ka wa kahiko, ua loaa na kuaua iau ma ka paka. Pookela kela!!!

I ia kakahiaka ae, ua hele makou i ka hana mahiai ma kekahi aoao o ke kula. Hoomaka akula makou me ka huki ana i ka nahelehele. Lealea ea? Ma hope o elua hola, ua loaa mai na kuhikuhina hou i na kane, na makou e huki i kekahi mau kumukumu i paa i ka lepo. Aole no he lealea. Ua hana makou no ekolu hola a ua huki ia akula hookahi wale no kumukumu mai ka lepo. I ia manawa, eha maila ke kua o'u i ka hana nui. A laila, ua puka maila ke kumukumu mai ka lepo mai. Hulo!!! Ua pau ka makou hana ma mua o ka aina awakea.

    Ma hope o ka aina awakea, hele ihola makou i ke kumu wai wela e auau wai. Ua hoike mai o Kalani i kekahi lono weliweli. Ina he mau oki ko ke kino, aole hiki ke auau i ke kio wai wela no ka mea e loaa ana paha oe i kekahi mai lele ino. Pilau ea? Aole au makemake i kekahi mai lele, no laila aole au i au iki i ia wai.

Ua hoonanea makou i ke koena o ka la. Ua kali makou i ka po ana o ke ao.

I ia po, ua hele makou i kekahi wahi no ke kilo ana aku i na hoku. Me ka nana ana o ka maka i na hoku, ua ao mai makou i ke kilo ana i na hoku no ka huakai ana. Iau i nana ai i na hoku, ua manao au e pili ana i ko'u mau kupuna. Ua nana paha lakou i kekahi mau hoku. Aole mapopo iau. Mapopo iau, ua anuanu maila au. E nakeke ana ko'u mau niho. Ma hope o kela po, ua hoonanea makou no ke koena o ka manawa ma Puna.

I ka la hope loa, ua kaahele makou i kahi i hoomaka ai, i Hilo. Ua makemake au e hele i ka hale kuai o Hawaiian Force. No laila, ua hele makou i ka hale kuai a hele pu akula i ka hale puhi palaoa no ka mea ono loa ke ala o ka palaoa e puhi ia ana. A laila, ua hoea makou ma ka paka i Hilo. Ua hui makou ma kela paka ma mua. I laila, ua ai pu makou i ka makou aina awakea hope loa. He manawa kaumaha ia no makou. Ua noho pu makou i na pakaukau pikiniki  no ka manawa hope loa. E manao ana au he manawa kaumaha keia, aka, aole i hiki iau ke kali i ka hoi ana aku i ko'u home. Makemake au i ke kuaua ma ko'u home. Makemake au e hiamoe i ka pela moe. Makemake au e noho me ke ea hooluolu. Ma hope o kela manao ana, ua makaukau au no ka hoi ana i ko'u home. Ua haawi au i ko'u aloha a ua hele i ke kahua mokulele a pau ka huakai o Ola na Iwi.

I ka halialia ana i ko'u hana ma Ola na Iwi, haaheo au. Ua hana au i na mea like ole a ua hele i na wahi like ole a'u i hele ole ai. Aole hiki iau ke kali i ka hiki ana mai o keia makahiki ae. Lana ko'u manao ua luana oukou i ka heluhelu ana e pili ana i ka huakai o Ola na Iwi. E hele paha oukou i ia huakai, a hoike mai i kou manao.

© 2006 . Kenji Rasmussen

Eia ka halau o makou i noho pu ai me na makika a me na manakuke.