Na Iole o ka Lua
na Iwalani Inouye

Aloha mai kakou. Ina makemake oukou e nana i kekahi kii onioni akaaka, e hele i ka hale kii onioni o Ward a kuai i kikiki no Flushed Away. No na keiki ia kii onioni aka e like me na mea e ae, loaa kekahi mahele e akaaka ai na makua.

Pili keia kii i na iole. Loaa kekahi iole waiwai i hooholo ia i ka wai i ka lua. Mai ia manawa, hoomaka kana hana hoopihoihoi. I ka auwai nana e lawe i na mea ino, i laila i kukulu ia ai he kulanakauhale no na iole. Hoopilipili ua kulanakauhale la me na wahi o luna. Oiai o ia i hiki i lalo, makemake no o ia e hoi i luna aka aole maopopo ke ala e hiki ai i laila. No ka hapanui o keia kii onioni, e hoao ana keia iole e hoi i kona hale nui i luna o ka honua. Aole maalahi keia hana ana. Hihia mau o ia i na pilikia like ole.

Ano maikai ke kaao. Aka nae o ka mea i akaaka ai na kanaka o ia hoi na loli i ka lepo. O lakou no paha na kaaka. Himeni no lakou a hana ia na mea e i kekahi manawa. I ko'u manao, oi aku ko lakou akaaka i keia kii onioni. Ina aole oukou hilinai, e kuai i kikiki a nana aku ia Flushed Away. Aka nae, mai poina ka oukou mau keiki. Luana paha lakou i keia kii onioni.

© 2006 . Iwalani Inouye

O Flushed Away, kekahi kii onioni hou.