I ka po iwakalua o Okakopa, ua hele maua o Tiara ma Hookani Manoa ma ke kula nui o Hawaii i Manoa. Makemake maua e hoea koke aku i laila e noho ma ke pakaukau, aka i ko maua hoea ana, aohe pakaukau hakahaka i laila. Aka, aole hiki ke alo ae. No laila, ua noho iho maua i na noho ma hope loa. Manao iho maua, “Hu ka mamao o keia mau noho, aole maua e lohe mai i na hua olelo Hawaii.” Ma hope iho, ua ike maua i ke pakaukau kokoke i ke kahua, no laila, hele akula maua i laila, a maikai kela. O Ledward Kaapana ka puukani i kela po. Makemake no au i kona koekoe ana i ke kika, maikai no o ia. Ua hookani a himeni ia na mele Hawaii ui loa, a ua malie na mele. Ua kulia loa au e maopopo na hua olelo mai na mele Hawaii, aka aole maopopo iau no ka mea aole au i lohe pono.

Ma Hookani ua ike maua i na haumana mai ka papa olelo Hawaii. Ike akula maua ia Uilani, Makana Hoku, Keoni, a me Kawika i laila. Ua maikai loa ka ike ana ia lakou ma waho o ka papa. Lealea pu makou i ke kamailio ana a me ka inu ana iho. I ko makou kamailio ana, ike au i kou hoa kula o Kaipo mai kau papa olelo Hawaii mua loa. Aue! Hauoli no au i ka ike ana ia ia. I kou mimi ana, olelo mai o Tiara iau i kau kelepona, “E Nanea, ua lanakila oe i ka makana! Aia oe i hea?!” Ua manao au, “He aha la?” No laila, holoholo koke akula au i laila, a loaa ka makana iau. A, ua lanakila o Tiara i ka makana kekahi! Hu ke kamahao!

Ma hope iho, ua inu hou iho maua a nana akula maua i na wahine e hula ana i laila. Aloha no au i ka nana ana ia lakou, maikai loa ka hula. O keia kou Hookani mua loa i keia kau. A luana no au. Makemake au e hele i na Hookani a pau i keia kau. Ike au ia oe i laila e ka mea heluhelu!

© 2006 . Nanea Wakilina

He nanea hoi kau.