Aloha mai e na kiai o ka pae aina o Hawaii! E ku-e mau kakou i ka nohona o ka puali koa ma ko kakou one hanau!  Mau no ka a-umeume ana ma waena o ua wahi puali koa la a me na kanaka Hawaii.

E ka puali, aohe ka he lohe o ko pepeiao huluhulu? 

He puali koa pakela hao i ka aina, aole lakou makemake e malama i na kanawai Amelika a me ka aina o Hawaii, me he mea la, aohe ona mahalo i na kanawai a me ka poe Hawaii. E ola mau ka aina a me ka makaainana o nei aina, a e ku-e mau kakou a ike ia ka hopena. Ma ka la 5 ma ka mahina o Okakopa o ka makahiki nei, ua kauoha ia ka puali koa o Amelika e ka aha Amelika e hoopau i ko lakou oihana Stryker ma Hawaii nei. Na Earth Justice i ku-e i ka Styker Brigade ma ka aha ma Kapalakiko a ma waena o ekolu luna kanawai, ua hooholo elua e hoopau i ka hana o na Stryker ma Hawaii no ka mea, aole i imi pono ka puali koa Amelika i kekahi wahi e ae no ka malama ana i ka Stryker a hehiku ia puali i na kanawai aina no laila, e hoopau ana ia wahi puali i ko lakou hana no ka manawa. Aia a malama ia na kanawai aina a ae ia ko lakou mau kumu no ke koho ana i Hawaii no ka malama ana i ka Stryker a laila hiki i ia puali ke hoomau i ko lakou hana. Ua pa ka pepeiao huluhulu o ia wahi puali i na leo o ka poe Hawaii, no laila e ku like mau kakou i mea e kipaku ai i ka puali pakela hao i ka aina. Na ka aina kakou e hanai. E Amelika e hoihoi i ka aina i hoonuu na kaikaina o nei aina.

© 2006 Keoni Chang-Purdy