Inu ia ka wai hoola
na Lokelani Fergerstrom

Auhea oukou e na mamo, na pua e puni nei i ka olelo makuahine o ka pae aina nei! Ke nui ae nei ka haawina a oukou, luhi anei ke kino i ka huakai loa ma ua kula nei? Ke noonoo oe e pau ana kou aho, mai haawi pio! Ke hiki mai nei ka palena o ke kau a he nui no na papahana e holo nei. He mahele hoomaha hoi ko kakou e nanea ai. Ke a-a ka puu i ka huakai loa, eia ae ka wai olu e hoolu hou aku i ke kino e hoomau aku ai. Eia ihola na papahana no na mahina e hiki mai ana.

Ola Na Iwi . 13 Apelila
Andrews Amphitheater
hola 5-10 o ke ahiahi

He mea hooulu kala no ka Hui Malama i Na Kupuna o Hawaii Nei. E hookani ana o Kupaaina, Kamau, Paula Fuga me ka One Love Ohana, a me Ooklah the Moc. He mea ia e kakoo aku ai i ka poe e malama nei i na iwi o ko kakou poe kupuna, no laila e naue aku kakou!

He $10 ke kuai mua ia ka likiki; he $15 ma ka ipuka.

Hoomoana Olelo Hawaii
14-16 Apelila
Aia ma kahakai o Waimanalo.

Kono ia na papa olelo Hawaii a pau e komo aku i mea e hooikaika aku ai i ko kakou olelo Hawaii ana. Aia ana na papahana he nui e hana aku ai e laa ka paani heihei, ka hookani pila, a me ka hookuku Ms. Hoomoana. Ina hoihoi oe, e kipa wale mai i ke keena o Kumu Haili laua o Kumu Kaliko Baker e kauinoa ai.

He $20 e lu ai i kuai ia na mea pono.

Hookuku Hula o Merrie Monarch
20-22 Apelila
Mokupuni o Hawaii
Kahua o Edith Kanakaole.

E malama ia ana ka hookuku kumau nana e hoike i ka hana nui o na halau hula like ole. E ike ia ana ka loina Hawaii ma o ka hula ana. Ina aole hiki ia oe ke hele i Hawaii aole pilikia, e nana ia ma ke kiwi ma ke kanela 4 i na po ekolu.  

Hookani Manoa Finale
29 Apelila
Andrews Amphitheater
hola 5-10 o ke ahiahi.

E nanea pu kakou i ka hula ana o na haumana o ka papa I Lea ka Hula i ka Hoopaa ma lalo o Kumu Keawe Lopes laua o Kumu Leilani Basham. E hoike ia ana eha hula i ao ia mai nei. E hoolohe pu aku kakou i na leo nahenahe o na haumana o ka papa mele 384 na Kumu Keawe Lopes i ko lakou hoohanohano ana i na mele i haku ia e na loea o Hawaii nei. Lohe pu ia na leo kupaianaha o Na Palapalai, Aaron Sala, Hoku Zuttermeister, Sean Naauao, a me Inoa Ole.

He manuahi ke komo ana o na haumana o ia kula nei; he $5 no na kanaka e ae.

Hooulu kala no ka Hui Aloha Aina Tuahine  
30 Apelila
Oceans
hola 5-10 o ke ahiahi.

He hooulu kala no ia e kokua ai i ka huakai ana o ka Hui Aloha Aina i kahi ohana Polenekia o Tahiti. E malama ia ana he paani raffle, a haawi ia na makana like ole he nui.

He $10 ka likiki ina kuai mua ia; he $15 ma ka ipuka.

Mukiki Wai na Mamo o Manoa 
Hookuku Olelo Hawaii
4  Mei
Halau o Haumea, Kamakakuokalani

E hoike ia ana na papahana like ole i hana ia ma nei kau mai na papa olelo Hawaii like ole. E loaa ana he mahele hai olelo, ka hai olelo mana kuhi, ka hanakeaka, a me ka wikio. E naue kakou e ikemaka i na haumana eleu i ka olelo Hawaii.

Manuahi ke komo ana, a lawelawe pu ia ka paina awakea.

Ola Na Iwi
Huakai Olelo Hawaii
10-20  Iune

E malama ia ana keia papa olelo Hawaii no hookahi anahulu. Ma ka hana ana a me ka launa pu ana e paa ai ka olelo makuahine. I ka moku o Keawe ana ia e huakai aku ai. E komo no i keia hana, a e loaa ana ka ai kulanui ia oe.

E pu paakai kakou a e nanea mai ma lalo o ka malu o ka olelo makuahine!

© 2006 Lokelani Fergerstrom

Ka hula ana o Tracie Lopes me kekahi mau haumana o ka papa hula.