Ehuehu mai nei o Manoa
na Kihei de Silva

Ehuehu mai nei o Manoa
na Kihei de Silva

Eia ihola kahi mele lahui hou i haku ia e ka maka peni oioi o Kaohao. E like me ka hana noeau o ka haku lei ana, ua wae ia na hua olelo kupono mai kekahi mau mele lahui e ae, a pela i loaa mai ai keia mele nei. No laila, he mea hou ke mele, aka he leo kupuna ia i ili mai io kakou nei ma muli o ka hana maiau o kona haku.

Ehuehu mai nei o Manoa la
Aole hopo iho na Hawaii la
Akahi no a lana ka manao la
E ike i ka nani o Maihi la

He ihiihi au no na Kona la
No ke kai palanehe iliili la
A he ili ula au, he Hawaii la
I ke kapa kehau hooheno la

O ka wehiwehi oe o ke kapu la
No ka pae niho ao Haleakala
Lalani kalalea o ke kai la
Owili lei rose o ke kaona la

Haina ia mai ka puana la
A he ili ula au, he Hawaii la
Haina ia mai ka puana la
No Pauahilaninui he inoa la

Na Aaron Sala i haku i ea no nei wahi mele, a oki pu ia kona leo e himeni ana i ke mele i kana paleo hou o Kaupu Aloha. Komo pu maila o Kamakaneoaloha Hopkins laua o Kaleo Takatsugi i ia mele ana mai.

I ike ia ke mele kumu o "Ehuehu mai nei," e nana aku ka maka i ka Buke Mele Lahui. Ma laila o F.J. Testa i pai ai i ka S. Kaili mele o "Halepiowai." O ia mele kahiko, he ano pane leo ku-e ia i ka hoopaahao ia ana o ka mo-i Liliulani, a he kakoo hoi i ka hana eueu a Wilikoki ma. O nei mele hou, he mea ia e pili ai ka lahui ili ula. Ike ia paha ka mea e ku-e ai e kou mau maka ala. Aka nalu iho i ka naau ke heluhelu aku – he mau hua olelo maalahi paha ia ke nana aku. Mai noho a punia i ia ano o ka haku mele ana, e ke hoa heluhelu. Aole ia he ia i loaa i ka welelau o ka lima!

© 2006 Kihei de Silva (ke mele) . Kauahaao (ka moolelo)