E KAKOO IA NA POLOKALAMU HAWAII!
na Kenji Rasmussen

E na kumu, e na mana, welina mai. I ka puka ana o ka la ma luna o na Koolau a iho ka malamalama o ka la ma luna o ke awawa o Manoa. Ua ao Hawaii ke olino nei malamalama. Ma hope o ka la loihi o ke kali ana, hui na kumu a me na haumana o ka halau ike Hawaii a me ka halau olelo Hawaii me ke komike ao palapala mai ka aha olelo o ka moku aina o Hawaii.

Ma ka la 2 o Pepeluali MH 2006 ua hoike na kumu o ka halau ike Hawaii i ke kakoo o na haumana Hawaii i ka hoapono ana i ka pila HB3157. E nonoi ana keia pila i waihona kala no na polokalamu Hawaii. E hoonui keia pila i ka waihona kala no na kumu hou a me ke kukulu ana i ka hale hou. Manao au, maikai keia pila no ka mea e kokua ana ia kakou me na mea like ole.

O Jon Osorio ke kumu mua o ka halau ike Hawaii i hoike i ke kakoo no ka pila HB3157. Ua ku o ia ma mua o ke komike ao palapala mai ka aha olelo o ka moku aina o Hawaii. Wahi ana: “We need the additional funding for more teachers and more facilities and more tutiton waivers to bring in native Hawaiians.” Ma waena o na haumana a pau e hele nei i ke kula nui o Hawaii ma Manoa, he ewalu wale no pakeneka he mau haumana kula Hawaii a o na kumu hoi e hana i nei kula, he eha wale no pakeneka he mau kumu kula Hawaii. Ma hope o ka hai olelo o Jon Osorio, ua ninau ke komike: “What about federal funding under title 3?” Pane o ia: “ Manoa does not quailfy for title 3.” O Title 3 ka waihona kala mai ke aupuni pekelala. Haawi kala ke aupuni pekelala i na kula nona na haumana Hawaii he umi pakeneka. Aole lawa ko Manoa. Loaa ka aleale o ka hee.

A laila, ua hoike o Lilikala Kameeleihiwa, he kumu halau ike Hawaii, i kona kakoo ana i ka pila HB3157. Ua hoike o ia, ua oki paha ka lawelawe hana ma Manoa ma luna o hookahi miliona kala o keia pila. E nonoi ana ka lawelawe hana ma Manoa he 1,388,332 kala mai ka aha olelo o ka moku aina o Hawaii. Hai maila ua o Lilikala: “The real request was for $2,577,302. This is for 60 positions for the Hawaiian workforce programs – that is less than one percent of the entire UH budget.” Ua hai hoi o ia no ka puu kala uku kula no na haumana Hawaii hou: “Hawaiians cannot afford to come to Manoa.” Pane ke komike  ao palapala e hoomakaukau ana ka lawelawe hana ma Manoa i elima haneli palapala uku kula hou no na opio Hawaii.

Ma hope o ka hai olelo o Lilikala Kameeleihiwa ua kahea ke komike i ke poo nui o ke kulanui o Hawaii ma Manoa, ia Denise Konan e pane i na ninau e pili ana no ka mea a ka lawelawe hana e hana ai. Pane ke poo nui o Denise Konan penei: “If we do not offer a chance to elevate native Hawaiians then we are not living up to our obligations.” Alakai o ia i ka hana no elima haneli kala uku kula no ka opio Hawaii. Ma hope o ka pane ana o Denise Konan pau ka hui ana.

Koe aku ia!

Ma ka Poaha, la ewalu o Pepeluali 2006, hui ke komike  ao palapala no ka hoapono hope loa ana i ka pila HB3157. Ma hope o kekahi la loihi loa hou, hoololi ke komike i elua mea i ka pila. Maikai na mea elua  no kakou. Akahi, hoihoi ia ke kala a ka lawelawe hana o Manoa i oki ai. Ua ae ka lua o na olelo pakui i kanalima palapala uku kula hou no na opio Hawaii. Ma hope o ka hoololi ana i ka pila ua koho balota lakou i ka pila holookoa. Ua apono ke komike i ka pila me na olelo pakui. Kaa ae ka pila i ke komike oihana kala. Ma hope o ko ke komike oihana kala nana ana e kaa ka pila i ke komike ao palapala i ka aha kenekoa. E hoouna i kou olelo paipai a e kalele i ka pono i keia la. Hiki ia kakou ke kokua i puka aku keia pila. E hakaka ana kakou i ke kaua nui. No laila, e noke i ke kahea ana i ko Dwight Takamine keena ma ka helu kelepona 586-6201. Penei e kaa ai ka pila a puka i na aha i hoonohonoho ia e ke aupuni. E ku au no keia pila. A o oukou? E na kumu, E na mana, e alu mai. 

© 2006 Kenji Rasmussen