Puke 5 . Helu 2 . 15 Malaki 2006

Ke aiia na aa
na Iwalani Inouye

I keia mau la, pilikia maoli kakou i kekahi mau mea houluhua ukiuki e makemake ole e uholo. Noho paa iho keia ano mea kolo ino i ka lepo u ma lalo o ka mauu a apuepue o ia i ke ola. Ua hiki mai ka manawa kupono e hoopalaha ai i ka puu a na kupa ana ole i hoahu ae ai ma ka aina. No laila, e ku-e kakou! Ua hiki mai ka manawa kupono e hopu aku ai i na laau haipilikia a e luku aku ai a pau keia mea hana ino. Ina aole hiki, e pau ka aina hanau i ka naunau ia aku e na mea ana ole. Like ka hopena o keia luku ana me ka ko'u mau tutu pa. Pono kakou e kipaku i kahi mau kupa ana ole.

i heluhelu ia ka moolelo >>

He wahi pulama ia o Ahu o Laka?
na Keoni Chang-Purdy

Aloha mai e na mamo o ka olelo makuahine, na kiai o na mea makamae. Paakiki paha ka malama ana i na kupuna aka na kakou ke kuleana e hoola i ka ike no ko kakou lei poina ole. Hooheno ia na mea like ole e laa ka aina, na mele, na moolelo a pela aku. E malama kakou i ua mau makamae nei i ole e nalowale ia mau mea. Ina ua lilo kahi mea mai ka wa o na kupuna i mea e ia kakou, e hoomaopopo mau kakou i na moolelo i pili i ia mea.

i heluhelu ia ka moolelo >>

E kakoo ia na polokalamu Hawaii
na Kenji Rasmussen                        

E na kumu, e na mana, welina mai. I ka puka ana o ka la ma luna o na Koolau a iho ka malamalama o ka la ma luna o ke awawa o Manoa. Ua ao Hawaii ke olino nei malamalama. Ma hope o ka la loihi o ke kali ana, hui na kumu a me na haumana o ka halau ike Hawaii a me ka halau olelo Hawaii me ke komike ao palapala mai ka aha olelo o ka moku aina o Hawaii.

i heluhelu ia ka nuhou >>

Ku-e ia ke kalo GMO: E malama ia Haloa ke kuaana
na Laiana Wong

O Haloanakalaukapalili ko kakou kuaana, a aole hiki i kekahi mau mahaoi ke kukala aku na lakou kahi ano kalo a aia a uku oe i ke kala, a laila ae ia kou hooulu ana i ia ano kalo. Eia kekahi olelo mahaoi, hiki ia lakou ke hele i kou loi me ka noi ole ana ia oe. O ia ka hana a na mea imi noii o ke kulanui o Hawaii ma Manoa. Me ka noi ole ana i na kanaka Hawaii lakou i hoohui ai i kekahi kalo Hawaii me kekahi kalo kupa o Palau, a na lakou e malama i na kuleana kanawai, ma o ka hookumu ana he patent ma luna o ia ano kalo. Pela pu me ka hana ana o na hui imi noii i na kalo G.M.O. Ma o ia hana nuku oi, hoiliili ia na ano laau like ole, a laila hou kui ia i kekahi kalo maoli i mea e hooikaika ai i ke kalo. He mea pono ole kela ano hana o ka hou ana aku i ko kakou kuaana. Pono kakou e ku-e i kela hana ooi.

i ike ia ka moolelo ku-e >>

Alu hou mai na iliili o Haloa

Malia paha ua ike maka ia ma ka mala o ka hale o Bachman he pa malele o ka iliili, ka mea nana i hoonaninani aku i ka hale o ka Pelekikena o ke kula nui nei. Ina paha oe e imi aku i ua lahui pohaku i keia mau la, aole ana ia ka mea like e loaa ai ia oe. He aha ka mea e loaa ana? Koe aku ia.

i heluhelu ia ka moolelo >>

Waialua, Aina Ku Palua i ka Lai
na Lokelani Fergerstrom

Welina mai ke aloha e na hoa makamaka o keia pae moku nei mai ka aina o ka ua Kanilehua a hiki i ke one kani ao Nohili, anoai. He aina kaulana no o Waialua kahi nona ka ehukai o Puaena a me ka makani Moae e pa malie mai nei. Hoohanohano ia ka poe o Waialua i ka hana nui a me ka nanea ana. Kipa mau ia o Waialua e ko kakou Moi o Kalakaua. Ma Waialua o ia i hoonanea a inu ai i kana puni a koni ka puu i ka wai huihui o ke kini.  Nui na mea i pulama ia ma Waialua, a he nani palena ole ia ke ike maka ia. O ka'u e hoomanao mau ai, o ia hoi ka huakai mai Lihue a hiki i Waialua. Eia ihola kekahi mele i haku ia no Waialua, he aina e hooheno ai.

i ikea ke mele hou >>

"E hea mai e ke hoa, eia la he kono."
na Kahiau Wallace

Aia i ka malu o Waahila e ku ana he halia aloha o ka nohona kahiko o ko kakou poe kupuna. I Honolulu, kahi i puni i ke kanikani ana o kanaka, a me na kaa e holo ana i o a i anei i ke alanui, e noho malie ana o Kanewai i ka neoneo o na hale noho haumana o Manoa.

i heluhelu ia ka moolelo >>

Kaauhelemoa
na Iaka

Ua pai mua ia nei moolelo i ka nupepa o Ka Makaainana i ka la 25 o Malaki, 1895. O ka wa no ia o ka hana kipi a Wilikoki ma, ka mea hoi i kue i ka hookahuli ana i ke aupuni Moi. Me he auna moa kupua pananaiki no lakou i ka aa ana aku i na moa kane haakei o ia wa. E heluhelu mai.

i heluhelu i ka moolelo >>