 |
ka ulu hoi |
| he nupepa olelo hawaii manoa, kona, oahu-a-lua |
|
 | |
|
||
E Hoi i ka Loi O Haloanakalaukapalili ke kuaana o na kanaka Hawaii a pau. O Wakea laua o Hoohokukalani kona mau makua. Ua hanau alualu ka laua hiapo o Haloanakalaukapalili, no laila, ua kanu o Hoohokukalani i kana keiki hiapo i ka aoao hikina o ka hale. A i kekahi la, ua hele o Hoohokukalani i kahi i kanu ia kana hiapo a ua ue nui o ia, a i lawa no a pa kona waimaka i ka lepo, o ke kupu aela no ia o kahi lau kapalili. O ua mea kanu nei ke kalo mua loa. A ma ia hope koke mai, ua hanau hou na Hoohokukalani laua o Wakea he keikikane, o Haloa kona inoa. A o Haloa ke kanaka Hawaii mua loa. O kona kuleana, o ia ka malama ana i kona kaikuaana, ia Haloanakalaukapalili, a na ua Haloanakalaukapalili nei no hoi ia e malama mai ia kakou, i kona mau kaikaina hoi. |
||
 |
||
Pilikia hou na haumana kulanui! Aloha no, e na haumana hou a me na haumana oo. Eia kekahi pilikia no kakou. Aole ia o ka UARC. Aole ia o ka hoonui ana i ka uku kula. O ia ka oki ana i ke kala kokua haumana. E holo manao ana ka Aha Olelo Amelika e oki i 12.7 biliona kala o ke kala kokua haumana. E oki ana ka Aha Olelo Amelika i ke kala kokua haumana e uku i ka oki auhau a me ka uku no ke kaua. Ua ae kanalima kenekoa i ka pila a ua ku-e kanalima kenekoa i ka pila; o ko Dick Cheney koho ke koho hooholo. E hoopilikia ana keia pila i na haumana no ke kula kiekie mai e hele ana i ke kulanui. No na haumana ma ke kulanui o Manoa i keia manawa, e hoonui ia ana ka uku helu kuala he 13.7%. |
||
 |
||
He Koa, He Keiki - He Kaao Hou O keia ke kaao no Koikaleo he keiki kane i iini e lilo i koa. I kela me keia la, ao ia o ia e kona makuakane, he papa poo no uka mai. Hai mai kona makuakane, “Ina makemake oe e lilo i koa ikaika, pono e kuupau i ka hana.” No laila, kaapuni aku o Koikaleo i kona aina me ka awiwi. Hapai o ia i na pohaku ano nui a maa ae o ia i na ihe a me na pohaku. Ao mai kona makuakane i ka ike kuhohonu o ka hana ana i ka lei o mano, ka pahoa, ka maa a pela aku. |
||
 |
||
E ulu ana ke aloha o Kuu Haehae! Ma ka la 26 o Ianuali i loaa mai ai keia nuhou, a holo no ka manao e pai aku ma keia mau lau o ka Hoi i hele a laha ma ka aina nei. E heluhelu mai.
|
||
"Aipohaku!" wahi a ke aloha aina Ma ka la 26 o Ianuali nei i hui ai ka aha kuka o na Hawaii a o na iwi kupuna kahi kalo paa i naunau ia e ka poe o laila. Ma lalo o ka malu o ka ua Tuahine, ua pili maila kekahi mau lehua o ka aina aloha, o Jon Osorio, Vicky Holt-Takamine, Andre Perez, Keoni Kuoha, a me Kawika Tengan, a o Halealoha Ayau ke koki lehua. Ma muli o ke komo ana mai o na kanaka like ole i ia hana o ka hoomoe pono ana i na iwi kupuna, ua ulu a hewahewa ka hihia o ka manao o kanaka e pili ana i na makamae huna o Kawaihae. |
||
 |
||
Kani na leo oiwi o Hookani Manoa Aloha mai e na hoa olelo Hawaii mai ka mokupuni o Keawe a hiki loa aku i Niihau a Kahelelani. Ua hoomaka hoi ke kau Kupulau ma ke kulanui o Manoa, a he wahi hoomanao no keia i na papahana olelo Hawaii ma ke kula nei. O kekahi mea nui o ia hoi o Hookani Manoa. |
||
He Kahu Akua o ka Wa i Hala Aloha mai e na kanaka olelo Hawaii mai ka la hiki a ka la kau, mai ka hookui a ka halawai! Eia hou kakou ma ke kula! Hauoli au i ka ike hou ana a me ka launa pu ana me oukou! E hoomakaukau no hoi kakou a pau no ke ao ana aku, ke ao ana mai hoi i ka ike o na kupuna, mai hu a puaa aka e heluhelu pono i ke kaao o Kapoi a me kekahi mau manao no na akua. |
||
Hongi pu kaua i ka ihu o ka Waka Huakai ko Hawaii i WIPCE ma Aotearoa!! Akahi no wau a ike i ka nani o Aotearoa. Ma laila no wau i kaana like ai i kou ha me na kanaka Maori o ia aina. Ma laila no wau i lohe ai i na leo o na kupuna a me na keiki. A ma laila no wau i hele wawae ai ma ka honua o na kupuna i hala. Piha kou naau i ka hauoli i kou hele ana i Aotearoa. Nui kou mahalo i ia aina a me na kanaka e noho ma laila. Ua haahaa no wau i ko na kanaka Maori hoike ana i ke aloha palena ole ia makou kai huakai aku. I kou hoi ana mai i kuu aina o Hawaii, ua ano kaumaha wau i ka pau ana o ka huakai. Aka no nae, maopopo iau o keia ka hoomaka ana o ke alahele hou. Ua hiki iau ke hele i Aotearoa. No laila, he kuleana kou. Pono wau e kaana like i na haawina au i ao mai ai me na kanaka i hele ole. |
||
ka ulu hoi Keoni Chang-Purdy Kahikina de Silva, luna alakai ka leka ana mai Paipai ia ka oukou leka ana mai, e na hoa heluhelu, i ulu ka hoi o kakou. E hoouna mai no i moolelo, nuhou, hoolaha, mele, kii, a me ia ano mea no hoi. moolelo@kauluhoi.org |
|
| Puke 5 . Helu 2 | |
Puke 5 . Helu 3 |
|
Puke 5 . Helu 4 |
|
|
|