Kiekie loa ka nani o ke kuaaina o Hawaii nei. I na la apau, nalowale ka aina maoli no i na malihini. Nani loa a malie no ka aina i ka hulina akau o Oahu. He keu no ka aina o na molemona a ka maluhia. Aka makemake ka Hawaii Reserves Inc. e hoololi i keia aina i olu no na malihini. O lakou ka hui e kukulu ana i ka hokele Marriott ma Laie. Aia ana keia Hokele ma ka aoao hema o ka Polynesian Culture Center. He mea maikai loa ia no na malihini ame PCC. Aka hele au a huhu no ka mea e lilo o Laie a like a like me Waikiki i ka wa e hiki koke mai ana.
Ua apono ka Honolulu City Council i ke kululu ana i kela Hokele. Ua wawahiia ka Laie Inn i kela makahiki aku nei, aia kanaha kumawalu lumi wale no i kela hokele. I ka Hokele hou aia elua hanele iwakalua kumalua lumi. A, aole keia Hokele i kahi kokoke i ka Pae Hokele o Waikiki, nolaila, pono paha na malihini i ke kaa. Nui na pilikia like ole e pili ana i ke kukulu ana i keia hokele. Aole no lawa na alanui ma keia moku. Nui na kanaka e hele ma kela alanui i na la apau. Ina e kululuia ana keia hokele, makemake na kanaka eae e kululu i na hokele ma kela wahi.
No wai keia kuleana? O Martin Anderson, Kobayashi, Gabbard, Cachola, Harimoto, Chang, ame Garcia na waha olelo o ka Aha olelo i aelike i ke kukulu ana i keia Hokele, he mea hewa loa. O Berg ka elele hookahi i ku-e i ke kukulu ana, no ka mea aole loaa ke alanui no ka paikikala. Ano e kela mea, aka maikai kona ku-e ana. Pono no kakou e hui pu a kakau leka a ku-e i ka hana hewa o ka Aha olelo o ke aupuni.
Ua maopopo i keia mau elele o ka Aha olelo ka hana e hoopiha ana i ka lakou mau eke kala. Nolaila, hiki ia lakou ke kukulu i ka Hokele i kela wahi a ohi i ke kala. Hele a hauoli lakou, aka hauoli na makaainana? Aole! Aka nae makemake hoi na kanaka eae e kukulu i ka hokele ma Haleiwa. Aole like ka hokele me ko Waikiki, ano pokole keia mau hokele. He ano inn ia. Eha pa o ka hokele i Laie.
I keia mau la, liilii loa ke kuaaina ma Oahu. Makemake kakou e hoololi i ko kakou aina a like ia me Kaleponi? He mea minamina kela. He aina hemolele o Laie, ina kukulu lakou i keia hokele e lilo ana ke kuaaina apau. E malama i ke kuaaina.
© 2011 . Keahi Piiohia
