I ka hapaha i hala ka hola umikumalua i ka la ehiku o Kepekemapa i kukala ai ka hoi o Neil Abercrombie i na kanaka elima e lilo, oia ka Native Hawaiian Roll Commission ana i hookoho ai malalo o ka pila aha kenekoa hookahi kaukani elima haneli iwakalua. O ke kanaka mua ke Kiaaina o John Waihee. O ka lua o ke kanaka, o Naalehu Anthony, no Oiwi TV ame Paliku Documentary Films. O ke kolu o Lei Kihoi, ka loio hana mua a ka luna kanawai o Walter Heen. O ka ha o Mahealani Perez-Wendt, ka luna hooko o ka Native Hawaiian Legal Corporation (NHLC). A o ka elima hoi o Robin Puanani Danner, ke poo o ke Council for Native Hawaiian Advancement (CNHA).

O ko lakou kuleana, oia ka hoomakaukau ana i ka papa inoa o na kanaka oiwi i kapaia o ka roll, alaila e malama ana i ia papa inoa malalo o ke kanawai hookahi haneli kanaiwa kumalima. O ke kahua ka roll no ke komo pu ana i ke kukulu aupuni no na kanaka oiwi malalo o ke aupuni Mokuaina Hawaii. A pau ka hana, e hookuu ana ke kiaaina i ka Native Hawaiian Roll Commission. E kakoo lakou i ke Keena Kuleana Hawaii (OHA).

O ia roll ka mea maalea maoli no i ka hana apiki ana. E hoohewahewa ke aupuni hou i na Kanaka Maoli koe na oiwi i kuhiia ma ka roll. Aole ia e hoihoi i ka aina. Aole i ke aupuni hou ke ea maoli aka nae puni ka nui Kanaka Maoli iaia me ka manaolana. Aole ia e hoopono i ka nui hewa. E kau okoa wale no i ko kakou poe Hawaii e like me ke kanawai aina hoopulapula.

E ala, e alu kakou. E ku-e i ka hewa. E ku i ka pono.

© 2011 . Brandi Makalani Hyden

ka ulu hoi

---

Puke 11 . Helu 2
30 Kepakemapa 2011

Aia i hea ka Wai a Kane?
E Hukiia
No ka Native Hawaiian Roll
Piko