Ka Ulu Hoi 11.1

ka ulu hoi
manoa . kona . o'ahu-a-lua

Puke 11 . Helu 1 . 7 Pepeluali 2011
		He Pokole ke Aho na Kainoa McGill
		Wahi a kupuna, he lawaia no ke kai papau, he pokole ke aho; he lawaia no kai hohonu, he loa ke aho. No ka hai ole ana aku o ka uli i kana poe lawaia i kahi ana e uli ai, aohe mea i loaa i ua mau lawaia nei. Penei ke ano o ke alakai pono? He alakai nohoi ko kakou, ko na haumana ma ke kula nui o Hawaii ma Manoa nei. Pehea ke ano o ua alakai la? Ua hoolaha pono anei ke alakai i kona mau hana kukulu ma ke kahua kula ma kahi o Campus Center? I makaukau kona poe haumana no hele ana io a ia nei me ka pilikia ole i ke ala ana e hele ai? Aole. Eia ka hana a kona hoe uli, ke ala ana i hookele ai: i heluheluia ka moolelo >>

	NO KA AINA Kekaha Wai Ole o na Kona na Krista Read Kaulana no o Kekaha i ka aina wai ole i ka moku o Kona Akau ma ka Moku o Keawe. Ma Kekaha, aia he 23 mau ahupuaa maoli a o Kaupulehu kekahi o na ahupuaa. I ke au mamua, nui na alii i noho ma Kaupulehu a nui ko lakou aloha i ia wahi. I keia mau la, ke nalo nei ka nahele wai ole ma ia ahupuaa, he minamina maoli no, aka nui na kanaka e malama nei i ka aina. He aina waiwai no ia a pono ke malamaia. >> NO KA LOINA HAWAII Heaha ia mea he moeuhane? na Kai Mana Nakoa He mau wahi manao keia a'u e hoolaha ai iaoe e ka mea heluhelu olelo Hawaii. O ka moe uhane kekahi kumuhana i kamaaina ia kakou apau a okoa loa ko kakou manao pili i ka moe uhane. Mamuli o ko'u hoihoi i keia kumuhana o ka moe uhane, eia na mea a'u i lohe ai mai kekahi mau kanaka like ole ame na ike a'u i ao mai ai. >> Mai no Kakou e Lele me ka Elepaio Kahea I'a na Manako E na mamo o ka pae aina, mai Hawaii kuauli a hiki loa aku i Niihau o Kahelelani, aloha pumehana kakou. He mea ahuwale ka nani o ko kakou leo Hawaii, a laha loa kona kulana he ano olelo lohe liilii ia ma ka pae aina. Nolaila, he kuleana ko kakou na Olelo Hawaii o na kalena haahaa a ke kiekie e hoopii ae i ka hoihoi, i maopopo lea i ka lehulehu, aole wale no ka Olelo Hawaii ana he kuleana, aka nae he lealea no ia. Pomaikai kakou apau i ka wehi o ka aina! He lei hulu mamo puehu ole no kakou! >>			NO KE KAI Ka Nalowale ana o ka Oama na Kaleikaumaka Maile Auhea wale oukou e na kanaka lawaia o Oahu nei? Ihea la na oama i kela makahiki aku nei? Oia ka ninau a ka hapa nui o ka poe lawaia o Oahu. Nolaila heaha la ke kumu o keia hanana ano e? Eia no ko'u manao. >> He Ino ko Kai na Keola Asman Ke emi nei no ka nui o na oiwi ma ke kai! Aia he mau i'a e ma ke kai e ai nei i ka kakou mau oiwi. A ina aole hooponoponoia keia hewa ilalo o ke kai, e nalowale ana paha ka kakou mau i'a. I ke aha e pilikia nei na i'a maoli ma ke kai? I na i'a mai ke kai e: o ka Roi, o ka Taape, a o ka Toau. Na keia mau i'a ekolu e ai i ka i'a maoli o ke kai ame ka lakou mau mea ai. >> NO KANAKA Na wai hoi ka ole o ke akamai? na Leolani Lee Loy I ko'u wa kamalii ua noho pili wau me ko'u mau kupuna, a na laua i kakoo nui aku i na Kula Kaiapuni ma Hawaii nei. Hele keia a paa loa ma ko'u noonoo, a o ko laua aloha, a haaheo i ka hoonaauao ana. Nani ke akamai o ka poe kahiko. Eia kakou na moopuna, e hoomau ana i ko lakou akamai, me ka auamo pu ana i na ike o keia au e nee nei. Oia paha ke kinohi o ko kakou kuleana.>>

ka ulu hoi

Keola Asman
Leolani Lee Loy
Kaleikaumaka Maile
Kainoa McGill
Kai Mana Nakoa
Krista Read
Manako Tanaka

Kahikina de Silva,
luna alakai

Waihona manao

I loaa makou nei

Waihona nupepa
(html & pdf)