Ka Ulu Hoi 10.1

I kela makahiki aku nei, hele aku la wau i Kamakakuokalani (Ka Halau Ike Hawaii) i kekahi Poaono. I ko'u hele ana ilaila, ao wau i kekahi hana no na iwi kupuna. He mea ulana lauhala ko'u hoa aloha laua o kona makuakane. Ulana lauhala ko'u hoa aloha mai kona wa kamalii. Ua ao mai laua ia makou i keia hana kalalea.

Ua hana makou no ke kanu hou ana i na iwi kupuna. He hinai ka inoa o ka ie lauhala i ulanaia. E malama ana ka hinai i na iwi kupuna, i ka pau ana o ka ulana ana. Loaa keia mau iwi kupuna i Walmart ma ke ala nui o Keeaumoku. I ke kukulu ana i ka hale kuai, loaa aku la na iwi kupuna he nui maloko o ka pa. Ua piha ke eke ulina i na iwi kupuna. Aia aku nei keia eke ulina maloko o Walmart. Huhu loa wau ia Walmart!! Paa aku la na iwi kupuna maloko o Walmart no kekahi manawa loihi. Aole i hoihoi o Walmart i na iwi kupuna i na ohana, i ka Oahu Burial Council, a i ole ia Hui Malama i Na Kupuna o Hawaii Nei, no ka mea ua paa ka hooholo maloko o ka aha. Ua hooholo koke lakou e kanu hou. E kanu hou ana ka Hui Malama ame na moopuna a na mea i kanuia ma Walmart. Nolaila, ua hana makou no na kupuna ame ka lakou mau moopuna, no ka mea o ko kakou kuleana keia!

Elike me ka hana ma Walmart, e kanu hou ana ka Hui Malama i na iwi kupuna i loaa i na wahi like ole. E huakai ana ia hui e hoihoi i na iwi kupuna i Ko Hawaii Pae Aina. Ua olelo ko'u hoa aloha, huakai aku la ka Hui Malama i Eulopa e hoihoi i na iwi kupuna i Hawaii nei. Kalalea loa ka lakou hana! Hemahema ko'u hana ana i keia ano mea, aka pau aku la kekahi hinai iau me ke kokua o kuu hoa aloha! Hiki iaia ke ao aku i ka ulana ana i ka hinai. He kumu ahonui kuu hoa aloha. E hana kakou no na kupuna apau i hala!