Ka Ulu Hoi 10.1

He hanana keia i kela me keia Poaono mua. Hele mai na kanaka i Kanewai Loi e hana a e malama i ka aina. I na kanaka e hiki ana i Kanewai, e ohi ana no i ka lau ma ka aina. Alaila, e hoolei ana na kanaka i ka lau maloko o ka loi. Mahope o ka pule ana, hui na kanaka me Kumu Cashman. Ua kukulu a hoopaa na kane ikaika i ka pa pohaku, i kekahi kanaka e poi ana i ka lepo a puni ke kalo maloko o ka loi. E hehi ana kekahi kanaka i na lau ma ke kelekele, ia makou e huki ana i ka nahelehele a puni ka loi. Lepo au i ka hana nui ana. Mahope o ka pau ana, hiki ia makou ke holoi i ko makou mau lima ame na wawae maloko o ke kahawai. Alaila, hoi makou. Aka, e noho ana au a e ai ana i ka laulau ame ka poi ame ka puaa kalua. Ono ka pukini laiki.

Makemake au e malama i ka aina ma Kanewai Loi. I ka hana ana aku o'u ma ka loi, pono ko'u kino. Hauoli kakou kanaka. Maemae ka wai ame ke ea. Maalahi ko'u hanu ana. E ike ana au i ka halekui ma Waikiki, aole au makemake i na kaa ame na halekui. Lepo oia i ka opala ma na wahi apau, aka maemae o Kanewai Loi i ka hoomaemae ana o kakou. He papa Mahiai Kalo ka'u i ke kau Kupulau 2009 i kela me keia Poakahi ame ka Poakolu. Makemake au i ka papa Mahiai kalo i keia kau Haulelau, aka aole hiki no ka mea, nui ka'u mau papa kemika.

Ano nui ka hanana o na Poaono no ke kaiaulu Hawaii ame ke kaiaulu olelo Hawaii. E aoia na kanaka i ka Malama Aina ame ka Laulima. Ua ola ke kanaka maoli i keia mau manao. E ola hou kakou ame ka olelo Hawaii ame na kanaka Hawaii. He apana liilii keia o ko Hawaii loina. E ike ana kakou, aka aia no i ka kakou hele ana mai.