Ka Ulu Hoi 10.1

I ka mahina o Okakopa i ka makahiki elua kaukani ame eiwa, ua hele au i Kahoolawe me ka'u papa ES 221. O Davianna McGregor ke kumu o ka'u papa. Mamua o ko makou holo ana i Kahoolawe, e lele aku makou i Maui. Ua kalaiwa aku la makou i Kihei mai ke kahua hoolulu mokulele ma Kahului no ka hoomakaukau ana no ka haalele. Hauoli loa au i ka holo ana i Kahoolawe no ka mea aole au i hele i Kahoolawe, i ka aina o Kanaloa, i ka wa mamua.

I ka la mua, ua ala makou i ka hola eha o ke aumoe no ka holo ana i Kahoolawe. Anu loa makou i ka po huihui. Ua haalele makou ia Kihei i ka moku lawaia ma ka hola elima. Aue makou, ua hiki i kahakai o Hakioawa. Nani loa ka aina, aka ano ulaula ka wai i ka lepo ulaula. Mahope o ka hapai ana i ka ukana i ke kahua hoomoana, ua huli makou i ke alakai no ka lohe ana i na loina. O Anakala Craig ka inoa o ke alakai. Akamai loa oia, aka lealea nohoi oia.

I ka la elua, ua kokua makou i ka hapai ana i na pohaku mai kahakai a i uka no ke kukulu ana i ka hale. Ua hana makou no ka manawa loihi, aka maalahi ka hana ana i ka laulima. Ua hele aku la makou i kahakai o Hakioawaiki no ka auau kai ana. Kapa lakou i ia kahakai o Green Sand Beach no ka mea omaomao ke one. Kupaianaha kela! Makemake nui au i ia kahakai no ka mea aohe pohaku ilaila. I kela po, ua ai makou i na mea ai Hawaii. Moa ka mea ai ia makou i ka imu. Ono loa ka mea ai. Maona makou apau i ka mea ai ono.

I ia la ae, e ala makou ma ka hola eha o ke aumoe e welina aku i ka la. Ua makaukau aku la makou no ka hele wawae mamao i Moaula. I ka hola eono, ua haalele makou. Loihi loa ke ala hele a maluhiluhi loa au i ka hele wawae mamao. I ka hiki ana i Moaula, anuanu au i ke aheahe, aka oluolu loa ka ikena i ka mokupuni holookoa.

Aloha wau ia Kahoolawe. Hiki iau ke ola ilaila. Makemake au e hana me ka hui o Protect Kahoolawe Ohana a e kokua ia lakou no ka malama ana i ka mokupuni ame na loina Hawaii kahiko. E ola mau o Kanaloa!