Ka Ulu Hoi 10.1

I kela kau kula aku nei, ua hele aku au i Ka Huli Ao Center for Excellence in Native Hawaiian Law me Shana ame Hanalei mahope o ka makou papa olelo Hawaii. I kela me keia Poaha mua o ka mahina, aia ka hai olelo ma Ka Huli Ao. Aia o Dr. Jonathan Kay Kamakawiwoole Osorio, o Mr. Richard Naiwieha Wurdeman, a o Ms. Yuklin Aluli ma keia hanana. Akamai loa lakou, a maikai n hoi na hai olelo a lakou.

O Dr. Osorio ka hai olelo pookela. No Hilo mai oia. He hoopaa moolelo oia no ka wa kahiko, a he kumu oia ma Kamakakuokalani ma ke kula nui o Hawaii. Ua olelo o Dr. Osorio i kekahi mau mea hoihoi no kana palapala i hoounaia i ke keena kuleana Hawaii. Mamua, ua kalele manao oia i ke kuleana no ka mea paa kona manao i kona lahui. Mahalo nui au i kona kukupau. Makemake no oia e kokua i kona lahui. Pili o Dr. Osorio i na kanaka o ke aupuni mo-i. Ke hakaka nei oia no kona aina. Makemake oia e hoopau i ke kuakuai ana i kona one hanau. O keia paapaa ka hihia o OHA vs. HCDCH. Aole pau ka paapaa. E hoihoi ole ka mokuaina o Hawaii i ka aina o ka poe oiwi.

Kaumaha au no na kanaka Hawaii oiwi. Ua laweia aku ko lakou aina. Ua kali na kanaka Hawaii no na makahiki he nui e komo aina; kali lakou no ka manawa loihi. Kohu ole ke kanawai koko. Ua hookahuaia i ka Homestead Act of 1920 ke koi koko Hawaii he 50%. He kanawai hookae ili keia. Oleloia, "e nalo kolii ka aina noa no ka mea e male na kanaka Hawaii maloko o na lahui kupono." Iau e hoolohe ana i keia haina, ua hele au a huhu. Kohu ole ia haina! Aole makemake ka mokuaina e haawi aku i ke one hanau i na kanaka Hawaii, nolaila, hookahua lakou i na kanawai pono ole.